‘सच कहूं तो’ पुस्तकाद्वारे नीना गुप्तांनी केला डॉक्टरांविषयीचा’तो’खुलासा…

‘सच कहूं तो’ पुस्तकाद्वारे नीना गुप्तांनी केला डॉक्टरांविषयीचा’तो’खुलासा…

neena

मुंबई : नुकतच अभिनेत्री नीना गुप्ता लिखित ‘सच कहूं तो’ या त्यांच्या आत्मचरित्र्यात त्यांनी लहान असताना त्यांना विनयभंगाचा सामना करावा लागला होता असा खुलासा केलाय. तसेच आयुष्यातील काही खळबळजनक गोष्टींचा उलगडा देखील त्यांनी याद्वारे केला आहे.

नीना गुप्ता त्यांच्या हटके आणि दमदार अभिनयासोबतच अनेकदा खासगी आयुष्यामुळे देखील चर्चेत आल्या आहेत. त्या शाळेत असताना त्यांना या परिस्थितीचा सामना करावा लागला होता. नीना गुप्ता भावासोबत डॉक्टरांकडे गेल्या होत्या. यावेळी त्यांचा भाऊ बाहेर थांबला होता तर त्या डॉक्टरांच्या केबीनमध्ये एकट्या गेल्या होत्या. ‘डॉक्टरने माझे डोळे तपासण्यास सुरुवात केली आणि नंतर अचानक त्याने इतर ठिकाणी स्पर्श करण्यास सुरुवात केली. ज्याचा माझ्या डोळ्यांशी काहीही संबध नव्हता. यावेळी मी खूप घाबरले होते. मला स्वत:चा तिरस्कार वाटू लागला. घरात कुणी नसायचं तेव्हा मी गुपचूप एका कोपऱ्यात रडत बसायचे. आईला देखील हे सांगण्याची माझ्यात हिंमत नव्हती. मला वाटायचं ती बोलेल की माझीच चूक आहे. मीच त्याच्यासोबत काही तरी केलं असेल.’ असं त्यांनी पुस्तकात लिहिलं आहे.

डॉक्टरांनी त्यांच्यासोबत असं अनेकदा केलं असल्याचा खुलासा त्यांनी केलाय. तसचं लहान असताना एक टेलरचा देखील वाईट अनुभव आल्याचं त्या या पुस्तकात म्हणाल्या आहेत. टेलरने विनयभंग करूनही त्याच्याकडे जाण्याशिवाय पर्याय नव्हता असं त्या म्हणाल्या. ‘जर मी आईला त्या टेलरकडे जायचं नाही सांगितलं. तर ती का जायचं नाही याचं कारण विचारेल. या भितीने मी त्या टेलरकडे जात राहिले’ असं नीना गुप्ता यांनी त्यांच्या ‘सच कहूं तो’ या पुस्तकात म्हंटलं आहे. यामुळे नीनांच्या पुस्तकाद्वारे अनेक खुलासे होत असून याबद्दल त्यांनी जाहीरपणे बऱ्याच गोष्टींचा उलगडा केला आहे.

महत्त्वाच्या बातम्या