संजय राऊत सकाळी केलेले विधान संध्याकाळी मागे घेतात ! हे कुणाच्या इशाऱ्यावरून होते : नितेश राणे

टीम महाराष्ट्र देशा : संजय राऊत हे सकाळी केलेली विधानं संध्याकाळी मागे घेतात, हे कुणाच्या इशाऱ्यावर होतं असं म्हटलं आहे नितेश राणे यांनी. शिवसेनाप्रमुख माननीय बाळासाहेबांचा खरा वारसा मनसे प्रमुख राज ठाकरेच पुढे नेऊ शकतील. राज यांची वैचारिक भूमिका हिंदुत्ववादीच असल्यानं त्यांनी काल मांडलेल्या विचारांचं आम्हाला आश्चर्य वाटलं नाही, असंही राणे यांनी म्हटलं आहे.

तर माझं अंतरंग भगवं असल्याचं मुख्यमंत्री उद्धव ठाकरे सांगतात. मात्र केवळ बोलून अंतरंग होत नसतं, असा टोलाही त्यांनी उद्धव ठाकरेंना लगावला आहे.बाळासाहेब ठाकरेंचे विचार विसरलेली शिवसेना पुढील निवडणुकांमध्ये कुठेही दिसणार नाही, अशी घणाघाती टीका भाजपाचे आमदार नितेश राणेंनी केली आहे.

काल म्हणजेच २३ जानेवारीला बाळासाहेब ठाकरेंची जयंती होती. त्या निमित्तानं गांधी घराण्यातल्या एका तरी व्यक्तीनं बाळासाहेबांना अभिवादन केलं का? असा सवालही राणेंनी उपस्थित केला. शिवसेनेचा कारभार दिल्लीच्या इशाऱ्यावर सुरू आहे.

बाळासाहेबांना मानणारा मोठा वर्ग राज्यात आहे. कित्येक शिवसैनिक बाळासाहेबांमुळे मतदान करतात. बाळासाहेबांना मानणाऱ्या या कडवट शिवसैनिकांना उद्धव ठाकरेंनी घेतलेली भूमिका आवडलेली नाही.अशा शब्दांत नितेश राणेंनी शिवसेनेला लक्ष्य केले.