‘मोठाभाई’ अमित शहा यांनी केले ‘ सामान्य ‘ भाजप कार्यकर्त्याच्या घरी जेवण

amit shaha

टीम महाराष्ट्र देशा: केंद्रीय गृहमंत्री अमितभाई शहा यांनी शुक्रवारी दिल्लीत भाजप कार्यकर्ते आणि दिल्ली भाजप अध्यक्ष मनोज तिवारी यांच्या घरी जाऊन जेवण केलं. याबाबत अमित शहा यांनी स्वत: आपल्या अधिकृत ट्विटर अकाउंटवर माहिती दिली आहे .शहा यांनी ट्विटमध्ये या कार्यकर्त्यांचे आभारही मानले आहेत.

भाजप फक्त राजकीय पक्षच नसून एक परिवार आहे. या परिवारातील प्रत्येक सदस्य आमची ताकद आहेत. आम्हा सर्वांना एकत्र येऊन सशक्त भाजप-सशक्त भारत ही संकल्पना प्रत्यक्षात साकारायची आहे, असा निर्धार अमित शहा यांनी ट्विटमार्फत केला आहे.

दिल्लीत सध्या विधानसभा निवडणुकीचे वातावरण आहे. त्यामुळे प्रत्येक पक्षाचे नेते प्रचारामध्ये व्यस्त आहेत. येत्या ८ फेब्रुवारीला दिल्लीत मतदान होणार आहे.तर मत मोजणी १२ तारखेला होणार आहे.त्यामुळे मतदारांची मनधरणी करण्यासाठी प्रत्येक पक्षाच्या नेत्यांकडून वेगवगळ्या शक्कल लढवल्या जात आहे.पण अमित शहा यांच्या साधेपणाने आपण भारावलो आहोत असे मनोज तिवारी कडून सांगण्यात आले आहे.