fbpx

सुप्रिया सुळेंंविरोधात फेसबुक पोस्ट, राष्ट्रवादी कॉंग्रेसच्या कार्यकर्त्यांचा तरुणाला चोप

टीम महाराष्ट्र देशा: आजवर मनसे अध्यक्ष राज ठाकरे यांच्या विरोधात सोशल मिडीयावर लिहिणाऱ्यांना मारहाण करण्याचे प्रकार घडले आहेत, मात्र आता खासदार सुप्रिया सुळे यांच्याविषयी आक्षेपार्ह कमेंट करणाऱ्या तरुणाला राष्ट्रवादी काँग्रेसच्या कार्यकर्त्यांनी चोप दिल्याची घटना घडली आहे.

राष्ट्रवादी कॉंग्रेसच्या कार्यकर्त्यांनी मारहाण केलेल्या युवकाचे नाव अक्षय तांबवेकर आहे, तांबवेकरने सुळे यांनी ईव्हीएमबाबत दिलेल्या प्रतिक्रियेच्या बातमीवर आक्षेपार्ह कमेंट केली होती. त्यामुळे आक्रमक झालेल्या राष्ट्रवादी विद्यार्थी काँग्रेसच्या कार्यकर्त्यांनी युवकाच्या घरी जात त्याला कॅमेरासमोर माफी मागायला लावली तसेच मारहाण केली आहे.

सुप्रिया सुळे यांनी मंगळवारी ईव्हीएमवर विश्वास नसल्याचा पुनरुच्चार केला. निवडणुकांमध्ये ईव्हीएम नको, अशी राष्ट्रवादीची भूमिका असल्याचं मत सुप्रिया सुळेंनी व्यक्त केलं आहे.