राष्ट्रवादीच्या बालेकिल्ल्यात भाजपने लावला सुरुंग

BJP-flag

टीम महाराष्ट्र देशा- एका बाजूला राष्ट्रवादीने राज्यभर भाजपविरोधात हल्लाबोल आंदोलनाच्या माध्यमातून रान उठवले असताना भाजपने मात्र राष्ट्रवादीचा बालेकिल्ला समजल्या जाणाऱ्या बारामती तालुक्यातील सर्वात मोठ्या असलेल्या माळेगाव बुद्रुक ग्रामपंचायतीवर आपला झेंडा फडकावत बालेकिल्ल्यात सुरुंग लावला आहे . सोमवारी (दि. 22) झालेल्या सरपंचपदाच्या निवडणुकीत जयदीप विलास तावरे यांनी एका मताने बाजी मारत सरपंचपदाची खुर्ची पटकावली. तावरे यांना 9, तर त्यांचे प्रतिस्पर्धी राजेंद्र चव्हाण यांना 8 मते मिळाली. सरपंचपदाच्या निवडीमुळे गेला महिनाभर चाललेली राजकीय उलथापालथ सोमवारी थांबली. हा निकाल राष्ट्रवादीचे अध्यक्ष शरद पवार यांच्यासाठी धक्कादायक मानला जात आहे .

Loading...

गेली दोन महिने सरपंच निवडीचं नाट्य रंगलं होतं. मावळते सरपंच जयदीप दिलीप तावरे यांना ठरवून दिलेला कार्यकाळ संपून गेला होता. मात्र त्यांनी राजीनामा न दिल्याने राष्ट्रवादीचेच काही सदस्य नाराज झाले होते. अखेर अजित पवारांनी शिष्टाई करत मध्यस्थी करण्याचा प्रयत्न केला होता. मात्र त्यांना थोडाच काळ यश आलं.

सरपंचपदाच्या निवडणुकीत 17 सदस्यांपैकी 10 सदस्यांनी भाजपला मतदान केलं. विशेष म्हणजे राष्ट्रवादी काँग्रेसचे अध्यक्ष शरद पवार यांचं याच ग्रामपंचायतीच्या हद्दीमध्ये निवासस्थान आहे. या निवडीनंतर भाजपच्या कार्यकर्त्यांनी मोठा जल्लोष केला.

गेली 10 दिवस या ग्रामपंचायतीच्या सरपंचपदाची चांगलीच चर्चा रंगली होती. माळेगाव बुद्रूक तालुक्यातील सर्वात मोठी ग्रामपंचायत म्हणून ओळखली जाते. या ग्रामपंचायतीची लोकसंख्या 28 हजार इतकी असून मोठ्या शैक्षणिक संस्था आणि साखर कारखाना या ग्रामपंचायतीच्या अखत्यारीत येतात.

या निवडीने पवारांना जबर धक्का बसला आहे. माळेगाववर शरद पवारांचे प्रेम सर्वश्रुत आहे. मात्र तीन वर्षांपूर्वी भाजपने राष्ट्रवादीला धक्का देत माळेगाव सहकारी साखर कारखाना आपल्याकडे खेचला होता. कारखान्या पाठोपाठ ग्रामपंचायतीवरही भाजपने झेंडा फडकवल्याने पवारांना चांगलाच धक्का बसला आहे.

Loading...
Loading...




Loading…




Top Posts

राज ठाकरे बाळासाहेबांचे स्वप्न पूर्ण करायला मैदानात उतरत असतील तर त्यांचे स्वागतचं...
बाळासाहेब थोरातांचा स्वबळाचा नारा
पंतप्रधान मोदी छत्रपती शिवाजी तर शहा तानाजींच्या रुपात; शिवसेनेच्या ढाण्या वाघाची पहिली प्रतिक्रिया
मंत्री अशोक चव्हाण यांचा खरा चेहरा उघड; रयत क्रांतीकडून टीका
येवले चहामध्ये भेसळ असल्याचे सिद्ध, अन्न आणि औषध प्रशासनाचा दणका
कोकणातलं राजकारण पेटलं;नाईक - राणे भिडले
कोणाशीही आणि कशीही युती करेन पण एकदा दिल्लीला जाणारच : महादेव जानकर
मुस्लिमांच्या आग्रहामुळे शिवसेनेसोबत सत्ता स्थापन केली?
'झारखंड निवडणुकीवेळी धोनीनं भाजपात प्रवेश न केल्याने BCCIने करारातून वगळले'
बीड: भाजप-राष्ट्रवादीत राडा; सरपंचाला चोपले