नरेंद्र मोदींना २०१९मध्ये एकहाती विजय अशक्य; मोदी लाट ओसरली

ramdas aatahavle

मुंबई: एकहाती विजय मिळवणे नरेंद्र मोदींना २०१९मध्ये शक्य होणार नाही. कारण तेव्हा परिस्थिती वेगळी होती आणि आता हवा बदललेली आहे. मोदी यांची लाट ओसरली असून येत्या लोकसभा निवडणुकांमध्ये भाजपच्या ४० जागा कमी होतील. असा अंदाज रिपब्लिकन पक्षाचे अध्यक्ष, केंद्रीय मंत्री रामदास आठवले यांनी व्यक्त केला.

रामदास आठवले म्हणाले, २०१४ आणि सध्याची परिस्थिती खूप बदलली असून कॉंग्रेस ला याचा फायदा होणार आहे. २०१९ मध्ये एकहाती विजय मिळवणे मोदींना शक्य होणार नाही. उत्तर प्रदेश आणि महाराष्ट्रातून भाजपला जास्त जागा मिळाल्या होत्या. तेव्हा काँग्रेसच्या जागा मिळवण्यात त्यांना यश आलं होतं. मात्र काँग्रेसने पुन्हा एकदा पकड पक्की करण्यास सुरुवात केली आहे. तरीही सत्ता एनडीएकडेच राहील.

समाजवादी पक्ष आणि बहुजन समाजवादी पक्ष एकत्र आल्यास भाजपला पुढची निवडणूक कठीण जाईल. २०१४ इतक्या जागा मिळणार नाहीत. मात्र ५० जागांवर एनडीए आपलं वर्चस्व स्थान टिकवेल. आठवले इंग्रजी वृत्तपत्र फ्रीप्रेस जर्नलसोबत बोलत होते.