डॉ. बाबासाहेब आंबेडकरांच्या १९४८ सालच्या भाषणाची प्रत पंतप्रधान मोदींनी केली शेअर; म्हणाले…

डॉ. बाबासाहेब आंबेडकरांच्या १९४८ सालच्या भाषणाची प्रत पंतप्रधान मोदींनी केली शेअर; म्हणाले…

narendra modi

नवी-दिल्ली : आज २६ नोव्हेंबरला भारतात संविधान दिन मोठ्या जल्लोषात साजरा केला जात आहे. आजच्याच दिवशी १९४९ मध्ये भारतीय संविधान समितीने भारतीय राज्यघटनेचा अवलंब केला. डॉ. बाबासाहेब आंबेडकर(Dr.Babasaheb Ambedkar) यांच्या अध्यक्षतेखाली २६ जानेवारी १९५० ला भारतीय संविधानाची अंबलबजावणी करण्यात आली. जवळपास २ वर्ष ११ महिने आणि १७ दिवस आंबेडकरांच्या अध्यक्षतेखाली जगातील सर्वात मोठ्या संविधानावर काम करण्यात आले होते. दरम्यान, आज या भारतीय राज्यघटनेस ७१ वर्षे पूर्ण होत असून यानिमित्ताने भारताचे पंतप्रधान नरेंद्र मोदी(Narendra Modi) यांनी डॉ. बाबासाहेब आंबेडकर यांच्या १९४८ सालच्या भाषणाची प्रत शेअर केली आहे.

पंतप्रधान मोदी यांनी आपल्या ट्वीटमध्ये या भाषणाच्या प्रतीचा फोटो शेअर केला असून ते म्हणाले आहेत की,’आपल्या नागरिकांना संविधान दिनाच्या हार्दिक शुभेच्छा. या खास दिवशी डॉ. आंबेडकरांच्या भाषणाचा काही भाग शेअर करत आहे. ४ नोव्हेंबर १९४८ रोजी संविधान सभेत त्यांनी मसुदा समितीपुढे संविधानाचा मसुदा स्वीकारण्याचा प्रस्ताव मांडला.’

दरम्यान, भारतीय राज्यघटनेचा मसुदा, २६ नोव्हेंबर १९४९ रोजी घटना समितीकडून स्वीकारला गेला. या घटना समितीने १६६ दिवस काम केले. राज्यघटनेचा मसुदा तयार करण्यासाठी दोन वर्षे अकरा महिने व अठरा दिवस एवढा कालावधी लागला. ‘घटना समितीने सुचविलेली भारतीय राज्यघटना संमत करावी.’ हा डॉ. बाबासाहेब आंबेडकरांनी मांडलेला एका ओळीचा प्रस्ताव, विस्तृत चर्चेअंती टाळ्यांच्या गजरात संमत केला गेला.

महत्वाच्या बातम्या: