Nana Patole : “सत्तेसाठी भाजपचा रावणासारखा अहंकार दिसतोय”; नाना पटोलेंची टीका

Nana Patole । मुंबई : गेल्या महिन्यात राज्याच्या राजकारणात मोठा सत्ताबदल झाला. एकनाथ शिंदे हे राज्याचे मुख्यमंत्री झाले. तसेच सत्तेवर असलेले शिवसेना, राष्ट्रवादी आणि काँग्रेस यांना विरोधात बसावं लागलं. मात्र यानंतर भाजप आणि विरोधकांमध्ये चांगलाच शाब्दिक युद्ध सुरु आहे. तसेच एकमेकांवर आरोप-प्रत्यारोपांची सुरु आहेत. त्यातच आता काँग्रेस प्रदेशाध्यक्ष नाना पटोले यांनी भाजपवर निशाणा साधत टीका केली आहे.

सत्तेसाठी भाजप काहीही करु शकते, असे विरोधकांकडून पटवून दिले जात आहे. महाविकास आघाडीच्या अंतर्गत कलहामुळेच ही परिस्थिती आल्याचे भाजपकडून बोलले जात आहे. त्यातच २०१९ च्या विधानसभा निवडणुकीत भाजपचे १०५ आमदार असताना सत्तेसाठी त्यांनी केलेले प्रयत्न संबंध राज्याने पाहिले. त्यामधून भाजपचा रावणासारखा अहंकार समोर येत असल्याचा आरोप आता नाना पटोले यांनी केला आहे. पण मतदार हे उघड्या डोळ्याने पाहत असून आगामी निवडणुकांमध्ये याचे परिणाम होतील असा विश्वास त्यांनी व्यक्त केला होता.

दरम्यान, देशांतील सर्वोच्च अशा राष्ट्रपती पदासाठी आज निवडणूक पार पडणार आहे. एनडीएकडून द्रोपदी मुर्मू तर यूपीएकडून यशवंत सिन्हा यांच्यात चुरशीची लढत पाहायला मिळत आहे. मुंबईत विधानभवन येथे सकाळी 10 ते सायंकाळ 5 वाजता दरम्यान मतदान होणार आहे. भाजपा आणि शिंदे शिवसेना गट यासह शिवसेना खासदार यांनी एनडीएच्या उमेदवार द्रोपदी मुर्मू यांना पाठींबा दर्शविला आहे. आज होणा-या या निवडणुकीत खासदार आणि आमदार मतदान करणार आहेत. देशभरातील आमदार-खासदारांचे संख्याबळ लक्षात घेतले तर द्रौपदी मुर्मू यांचे पारडे जड असल्याचे चित्र आहे.

महत्वाच्या बातम्या :

• Eknath Shinde : “दिवाळीच्या सुट्टीत तुम्ही मला गुवाहाटीला…”, चिमुकलीचे मुख्यमंत्री शिंदेंकडून अजब प्रॅामिस
• Sanjay Raut : एवढा मोठा गट, एवढा मोठा भाजप, एवढं मोठं बहुमत, मग मंत्रिमंडळाचा विस्तार का नाही?; राऊतांचा सवाल
• Sachin Sawant : “भाजपचे हिंदूत्व आणि राष्ट्रवाद जन्मापासून मृत्यूपर्यंत…”, कॉंग्रेसची टीका
• KRK । केआरकेने दिला कोहलीला सल्ला; ‘देशद्रोही 2’ मध्ये काम करण्याची दिली ऑफर
• Presidential Election : राष्ट्रपती निवडणुकीत काँग्रेस-राष्ट्रवादीची मतं फुटणार; भाजपाचे स्पष्ट संकेत