आदिवासी समाज संस्कृतीसोबतच जल, जमीन आणि जंगलांचा रक्षक – मुख्यमंत्री

टीम महाराष्ट्र देशा : नागपूरला आणि परिसराला गौंड राजाची समृद्ध परंपरा लाभली असून देशातील जल, जमीन आणि जंगलांचे रक्षण करण्याचे काम आदिवासी समाजाने पूर्वीपासूनच केले आहे. आजही समृद्ध संस्कृती, परंपरा जोपासण्याचे काम आदिवासी समाज करत असल्याचे प्रतिपादन मुख्यमंत्री देवेंद्र फडणवीस यांनी केले.

नागपूर महानगरपालिकेद्वारे फुटाळा तलाव येथे दोन दिवसीय आदिवासी महोत्सवाचे आयोजन करण्यात आले आहे. या महोत्सवाला मुख्यमंत्री देवेंद्र फडणवीस यांनी भेट देऊन यशस्वी आयोजनाबद्दल शुभेच्छा दिल्या.

Loading...

यावेळी व्यासपीठावर राष्ट्रीय अनुसूचित जमाती आयोगाच्या सदस्या श्रीमती माया ईवनाते, आमदार सुधाकरराव देशमुख, आमदार डॉ.परिणय फुके, नागपूर का राजा महानाट्याचे निर्माते अमित कोवे उपस्थित होते.

स्व.चिंतामण ईवनाते यांनी नागपुरात परंपरागत आदिवासी संस्कृतीचे जतन करण्याच्या हेतूने या महोत्सव आयोजनाची संकल्पना रचली. तसेच त्यांनी आदिवासींना एकत्र करुन मोठे आंदोलन उभारले. या भागात आदिवासींची अतिशय समृद्ध अशी संस्कृती असून, तितकीच मोठी वेगळी परंपरा जोपासली असल्याचे मुख्यमंत्री देवेंद्र फडणवीस यांनी सांगितले.

पूर्वीपासूनच आदिवासी समाज हा जंगलाच्या सान्निध्यात राहिल्याने देशातील जल, जंगल आणि जमिनीचा संरक्षक राहिला आहे. हे करत असताना आदिवासींनी आपली वेगळी आणि समृद्ध परंपरा जोपासत संस्कृती जीवंत राहावी, यासाठीही मोठी मेहनत घेतली आहे. आजही आदिवासी संस्कृतीचे वेगवेगळे रंग आहेत, त्यातून वेगवेगळ्या छटा अभिव्यक्त केल्या जात आहेत. राजे बख्त बुलंद शहा यांनी या आदिवासी संस्कृती, समाजाला मोठा आकार, आधार दिला, त्यासोबतच परंपरा आणि स्वतंत्र अस्मिता दिली. या संस्कृती, परंपरेला नागपूरकरांनी लक्षात ठेवले पाहिजे, असे आवाहन मुख्यमंत्री देवेंद्र फडणवीस यांनी केले.

आदिवासींच्या त्या समृद्ध परंपरा आणि संस्कृतीची आज सर्वांना माहिती व्हावी, यासाठी आदिवासी महोत्सवाचे आयोजन केले असून, नागपुरातील ‘नागपूर का राजा महानाट्या’च्या आयोजनाबद्दल मुख्यमंत्री देवेंद्र फडणवीस यांनी शुभेच्छा दिल्या.

यावेळी राष्ट्रीय अनुसूचित जमाती आयोगाच्या सदस्या श्रीमती माया ईवनाते, ‘नागपूर का राजा महानाट्याचे निर्माते अमित कोवे, संजय बंगाले संजय जोशी आणि सतीश मडावी यांनी मुख्यमंत्री देवेंद्र फडणवीस यांचा पुष्पहार घालून आणि आदिवासींचे पिवळ्या रंगाचे उपरणे देऊन सत्कार केला. त्यानंतर नागपूर का राजा महानाट्याचे अमित कोवे आणि चमूने सादरीकरण केले.

Loading...
Loading...




Loading…




Top Posts

संज्याचं तोंड येरंडेल घेतल्यासारखं झालं असेल : निलेश राणे
यापेक्षा अधिक लोक तर गुरूद्वारामध्ये रोज लंगरमध्ये जेवतात, तेही मोफत
राजकीय पक्षांचा कोणताही बंद महाराष्ट्रातील व्यापारी यापुढे पाळणार नाहीत
लोकप्रियतेत ‘तान्हाजी’चाच जयजयकार, अजय देवगन बनला नंबर 1 बॉलीवूड स्टार !!!
शिवसेनेबाबतच्या 'त्या' वक्तव्यामुळे टीकेचे धनी झालेले चव्हाण आता म्हणतात...
दोस्ती तुटायची नाय : शिवसेनेच्या पाठिंब्यामुळे पालिकेत भाजपचा महापौर
'शाहीनबाग आंदोलनातील बहुतांश लोक हे पाकिस्तानी आणि बांगलादेशी'
राणेंच्या मुख्यमंत्र्यांवरील 'त्या' टिकेला अजितदादांचे रोखठोक प्रत्युत्तर, म्हणतात...
उदयनराजे भोसले यांची निर्दोष मुक्तता
कळत नाही राव ! अजित पवार हे महाराष्ट्राचे उपमुख्यमंत्री आहेत का मुख्यमंत्री : चंद्रकांत पाटील