fbpx

मुंबईकरांच्या लापरवाहीमुळेचं मुंबईत वारंवार दुर्दैवी घटना घडतात : महापौर महाडेश्वर

टीम महाराष्ट्र देशा : गोरेगावमधील दिव्यांश सिंह नावाचा एक दीड वर्षांचा लहानगा नाल्यात पडून वाहून गेला आहे. या घटनेनंतर मुंबईकरांनी बीएमसीला दोषी ठरवले आहे. मात्र यावर महापौर विश्वनाथ महाडेश्वर यांनी मुंबईकरांनाचं दोषी ठरवले आहे. स्थानिक लोकांच्या लापरवाहीमुळे मुंबईमध्ये वारंवार अशा घटना घडत असल्याच त्यांनी म्हंटल आहे.

दिव्यांश सिंहच्या घटनेची चौकशी करण्यासाठी मुंबईचे महापौर विश्वनाथ महाडेश्वर यांनी घटना स्थळी भेट दिली. यावेळी ते प्रसार माध्यमांशी बोलत होते. महाडेश्वर म्हणाले की, स्थानिक लोक अनेकदा गटारे तोडतात. गटारांमध्ये कचरा टाकण्यासाठी स्थानिक लोक गटारांवरील झाकणं काढतात. पालिका नेहमी विनंती करत असते, असे करु नका, परंतु काही लोक याची पुनरावृत्ती करत असतात. त्यामुळे अशा घटना वारंवार घडतात. तसेच दिव्यांशच्या आईने त्याची काळजी घ्यायला हवी होती, असे देखील ते म्हणाले.

दरम्यान याबाबत महाडेश्वर यांनी गटारावरचं झाकण उघडं का होतं? स्थानिकांनी गटारावरचं झाकण तोडलं होतं का? प्रशासनानेच गटारावर झाकण बसवलं नव्हत का? याबाबतच्या कठोर चौकशीचे आदेश दिले आहेत.