मुंबई : विक्रमी पाच वेळा चॅम्पियन मुंबई इंडियन्स (Mumbai Indians) संघाने आयपीएलच्या (IPL 2022) चालू हंगामात विजयाचे खातेही उघडलेले नाही. रविवारी रात्री वानखेडे स्टेडियमवर झालेल्या सामन्यात लखनऊ सुपर जायंट्सने मुंबईचा ३६ धावांनी पराभव केला. अशाप्रकारे मुंबईला मोसमातील सलग आठव्या पराभवाला सामोरे जावे लागले. त्यानंतर मुंबईचा कर्णधार रोहित शर्माने सोशल मीडियावर एक भावनिक पोस्ट शेअर केली आहे.
आयपीएलमध्ये मुंबई इंडियन्ससाठी इतका वाईट हंगाम कधीच ठरला नव्हता. सलग आठ सामने हरणारा तो इतिहासातील पहिला संघ ठरला आहे. वानखेडे स्टेडियम हे मुंबई इंडियन्सचे होम ग्राउंड होते, मात्र येथेही विजयाची प्रतीक्षा संपू शकली नाही. रविवारी खेळल्या गेलेल्या सामन्यात लखनऊने ६ बाद १६८ धावा केल्या, त्यानंतर मुंबईचा संघ ८ गडी गमावून १३२ धावाच करू शकला.
We haven’t put our best foot forward in this tournament but that happens,many sporting giants have gone through this phase but I love this team and it’s environment. Also want to appreciate our well wishers who’ve shown faith and undying loyalty to this team so far 💙@mipaltan
— Rohit Sharma (@ImRo45) April 25, 2022
Deep in discussion 💭#OneFamily #DilKholKe #MumbaiIndians @ImRo45 @MahelaJay @sachin_rt pic.twitter.com/fYNWugDA6J
— Mumbai Indians (@mipaltan) April 25, 2022
कर्णधार रोहित शर्माने मुंबई इंडियन्सला टॅग करत लिहिले, ”आम्ही या स्पर्धेत सर्वोत्तम कामगिरी केली नाही, पण असे घडते. अनेक दिग्गज देखील या टप्प्यातून गेले आहेत, परंतु मला हा संघ आणि तेथील वातावरण आवडते. त्याच वेळी, मला आमच्या हितचिंतकांचे देखील कौतुक करायचे आहे ज्यांनी आतापर्यंत या संघावर विश्वास आणि अतूट निष्ठा दाखवली.” रोहितच्या या ट्वीटवर अनेक चाहत्यांनी, आम्ही मुंबई इंडियन्स संघासोबत खंबीरपणे उभे असल्याचेही सांगितले आहे.
लखनऊविरुद्धच्या पराभवाचे खापर रोहितने संघाच्या फलंदाजीवर फोडले. सामन्यानंतर रोहित म्हणाला, ”आम्ही चांगली गोलंदाजी केली आणि त्यांना कमी धावसंख्येवर रोखले. मात्र, आम्हाला चांगली फलंदाजी करता आली नाही. आम्ही भागीदारी करायला हवी होती पण तसे झाले नाही. आम्ही खराब फटके खेळले. मधल्या षटकांमध्ये माझ्यासह सर्वजण बेजबाबदारपणे फटके खेळून बाद झालो.”
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
>>> TOP CATEGORIES - राजकारण । क्रीडा बातम्या । कृषी बातम्या । आरोग्य बातम्या | मनोरंजन बातम्या । नोकरी बातम्या । मुंबई बातम्या । पुणे बातम्या । औरंगाबाद बातम्या । नाशिक बातम्या। नागपूर बातम्या । व्हिडीओ बातम्या । Trending News <<<>>> आमच्या सोशल मीडिया फेसबुक आणि टेलिग्राम ग्रुप मध्ये सामील व्हा! फेसबुक & टेलिग्राम ग्रुप <<<
>>> आपल्या परिसरातील महत्त्वाच्या समस्यांना वाचा फोडून, तुमच्या बातमीने बदल घडवा. { बातमी पाठवा SUBMIT NEWS } <<<
