‘तो’ अहवाल मान्य झाला असता, तर शेतकऱ्यांच्या आत्महत्या झाल्याच नसत्या- काकडे

खासदार संजय काकडेंनी साधला पवारांवर निशाणा

पुणे : “1985-86 साली शरद जोशींनी हमीभावासाठी मोठं आंदोलन उभारलं होतं. देशभर त्यावरुन रान पेटलं होतं. त्यानंतरही काँग्रेसने काही केले नाही. मग अटल बिहारी वाजपेयींनी स्वामिनाथन आयोगाची स्थापना केली. पवार केंद्रीय मंत्री असताना, तो अहवाल आला. त्यावेळेच तो अहवाल मान्य झाला असता, तर शेतकऱ्यांच्या आत्महत्या झाल्याच नसत्या.”, असे म्हणत भाजपचे सहयोगी खासदार संजय काकडेंनी पवारांवर निशाणा साधला.

एबीपी माझा या वृत्तवाहिनीने दिलेल्या वृत्तानुसार खासदार संजय काकडेंनी पवारांवर शेतकऱ्यांच्या प्रश्नावरून शरद पवार यांच्यावर चांगलीच आगपाखड केली .

नेमकं काय म्हणाले संजय काकडे
शरद पवार हे विरोधी पक्षाची भूमिका खूप चांगल्या प्रकारे वठवतात. जेव्हा जेव्हा ते विरोधी पक्षात राहिलेत, तेव्हा तेव्हा त्यांनी विरोधी पक्षाचं खूप चंगल्या प्रकारे काम केले आहे . 1985-86 साली शरद जोशींनी हमीभावासाठी मोठं आंदोलन उभारलं होतं. देशभर त्यावरुन रान पेटलं होतं. त्यानंतरही काँग्रेसने काही केले नाही. मग अटल बिहारी वाजपेयींनी स्वामिनाथन आयोगाची स्थापना केली. पवार केंद्रीय मंत्री असताना, तो अहवाल आला. त्यावेळेच तो अहवाल मान्य झाला असता, तर शेतकऱ्यांच्या आत्महत्या झाल्याच नसत्या. स्वामिनाथन आयोगाचा अहवाल आल्यानंतरही 8 वर्षे गेली. मात्र अखेर मोदी सरकारने अहवालातील काही गोष्टी घेत, दीडपट हमीभाव जाहीर केला.पवारांनी मोदींचे अभिनंदन करण्याऐवजी ते लोकांची दिशाभूल करत आहेत. 36 हजार कोटींची कर्जमाफी सरकारने जाहीर केली आहे. काही आकडेवारी आणि टेक्निकल गोष्टी असतात. पण येत्या 6 ते 8 महिन्यात पूर्णपणे कर्जमाफी होईल. फसव्या गोष्टी राज्य सरकार करणार नाही