fbpx

दुष्काळाबाबत राज्य सरकारला गांभीर्य नाही, खा. अमोल कोल्हेंची फडणवीस सरकारवर टीका

टीम महाराष्ट्र देशा : राज्याला यंदा भीषण दुष्काळाचा सामना करावा लागत आहे. या पार्श्वभूमीवर शिरूर चे नवनिर्वाचित खासदार अमोल कोल्हे यांनी फडणवीस सरकारला चांगलाच टोला लगावला आहे. दुष्काळाबाबत राज्य सरकारला गांभीर्य नाही, असे खा. अमोल कोल्हे यांनी वक्तव्य केले आहे.

दुष्काळात सरकारनं जी पावलं उचलण गरजेचं होत ती उचलली नाही त्यामुळे राज्यात दुष्काळाची दाहकता वाढली आहे. असे खा. कोल्हे म्हणाले. तसेच या दुष्काळावर मात म्हणून राष्ट्रवादी कॉंग्रेस पक्षाकडून आणि पक्षाच्या स्वयंसेवकांकडून चारा छावण्यांची आणि पाण्याच्या टँकरची सोय करण्यात आली आहे. दुष्काळासाठी राजकारण आणि पक्षा पलीकडे जाऊन दुष्काळाच्या प्रश्नावर गांभीर्यानं लक्ष देणं आवश्यक आहे. मात्र सरकार याबाबत गांभीर्याने दखल घेत नाही. असे खा. अमोल कोल्हे म्हणाले.

दरम्यान खा. अमोल कोल्हे हे ठाणे येथे एका चित्रशिल्पच्या उद्घाटना साठी आले होते. यावेळी त्यांच्या बरोबर राष्ट्रवादीचे आमदार जितेंद्र आव्हाड देखील केले होते.