fbpx

राष्ट्रवादीची साथ सोडत पांडुरंग बरोरा यांनी बांधले मनगटावर शिवबंधन

मुंबई : विधानसभा निवडणुकीच्या तोंडावरच राष्ट्रवादी कॉंग्रेसला सेनेने धोबीपछाड दिला आहे. राष्ट्रवादीचे शहापूरचे आमदार पांडुरंग बरोरा यांनी आपल्या आमदारकीचा राजीनामा देत शिवसेनेत प्रवेश केला आहे. बरोरा यांनी शिवसेना पक्षप्रमुख उद्धव ठाकरे यांच्या उपस्थितीत सेनेत प्रवेश केला.

नुकत्याच पार पडलेल्या लोकसभा निवडणुकीत कॉंग्रेस – राष्ट्रवादी कॉंग्रेस महाआघाडीचा दारूण पराभव झाला. लोकसभा निवडणुकीच्या पराभवानंतर कॉंग्रेस – राष्ट्रवादीच्या अनेक नेत्यांनी पक्षाला रामराम ठोकत भाजप किंवा सेनेत्त प्रवेश केला आहे. याचदरम्यान आगामी विधानसभा निवडणुकीच्या तोंडावरच राष्ट्रवादीला मोठा धक्का बसला आहे.

नुकताच बरोरा यांनी विधानसभा अध्यक्ष हरिभाऊ बागडे यांना आपल्या आमदारकीचा राजीनामा दिला होता. दरम्यान याप्रवेशावेळी युवसेनाप्रमुख आदित्य ठाकरे,ठाणे जिल्ह्याचे पालकमंत्री एकनाथ शिंदे उपस्थित होते.