मेह्बुबांचं पाक प्रेम आलं उफाळून,म्हणाल्या इम्रान खान यांना ‘एक संधी’ देणे गरजेचे

मेहबूबा म्हणतात ‘नया है वो’,इम्रान खानला एक संधी द्या

टीम महाराष्ट्र देशा- एका बाजूला पुलवामा येथे पाकिस्तान पुरस्कृत झालेल्या दहशतवादी हल्ल्यानंतर भारताला आतरराष्ट्रीय पाठींबा वाढत असताना भारतातील काही नेत्यांना पुन्हा पाकड्यांचा पुळका आला आहे. भारताने पाकिस्तानला पठाणकोट दहशतवादी हल्ला, तसेच मुंबई दहशतवादी हल्ल्याचे पुरावे दिले असतानाही त्या देशाने काहीही कारवाई केली नाही हे खरे आहे, मात्र असे असले तरी इम्रान खान हे नवे पंतप्रधान असल्याने त्यांना संधी देणे गरजेचे आहे, असे मत जम्मू-काश्मीरच्या माजी मुख्यमंत्री,पीडीपीच्या नेत्या मेहबूबा मुफ्ती यांनी व्यक्त केले आहे.

तर दुसऱ्या बाजूला दहशतवादाविरुद्धच्या लढाईत इस्त्रायलने भारताला बिनशर्त मदत करण्याची तयारी दर्शवली आहे. महत्वाचं म्हणजे या मदतीमध्ये कुठलीही मर्यादा नसेल. भारताला लागेल तितकी मदत आणि सहकार्य करायला आम्ही तयार आहोत असे इस्त्रायलचे नवनियुक्त राजदूत डॉ. रॉन मल्का यांनी म्हटले आहे. इस्त्रायलने मोक्याच्या क्षणी भारताला साथ देण्याचा शब्द दिला आहे.

दरम्यान,मुफ्ती यांनी पाकिस्तानवर प्रेम करणे सोडून द्यावे, त्या भारताचे खात असल्याने त्यानी भारताचेच गुणगान गावे, अस्तनीतील साप बनू नये, असा टोलाही गिरिराज सिंह यांनी लगावला आहे.