fbpx

जात पडताळणी प्रमाणपत्र नसले तरी मराठा विद्यार्थ्यांना करता येणार आर्थिकदृष्ट्या मागास प्रवर्गात अर्ज

टीम महाराष्ट्र देशा : मराठा समाजातील विद्यार्थ्यांना आता जात पडताळणी प्रमाणपत्र नसले तरीही अभियांत्रिकी, वैद्यकीय किंवा व्यवसायिक शाखेत प्रवेश घेताना आर्थिकदृष्ट्या मागास प्रवर्गात अर्ज करता येणार आहे. तसेच ऑनलाईन प्रक्रियेतील अट आजपासून शिथिल करण्यात आली आहे. याबाबतची माहिती शिक्षणमंत्री विनोद तावडे यांनी विधान परिषदेत दिली. विधान परिषदेचे सदस्य सतीश चव्हाण पॉईंट ऑफ इन्फॉर्मेशन मांडत हा मुद्दा उपस्थित केला. त्यांना उत्तर देताना विनोद तावडे बोलत होते.

या वेळी तावडे म्हणाले की,अभियांत्रिकी, वैद्यकीय किंवा व्यवसायिक शाखेत प्रवेशावेळी जात पडताळणी प्रमाणपत्र सादर करण्याची सक्ती केली जाणार नाही. तसेच ऑनलाईन प्रक्रियेतील अट आजपासून शिथील करण्यात आली आहे. त्यामुळे जात पडताळणी प्रमाणपत्र नसले तरीही अभियांत्रिकी, वैद्यकीय किंवा व्यवसायिक शाखेत प्रवेश घेताना आर्थिकदृष्ट्या मागास प्रवर्गात अर्ज करता येणार आहे.

दरम्यान,  जयंत पाटील यांनी प्रश्नोत्तराच्या तासाला, तारांकित प्रश्न उपस्थित करताना, मराठा समाजातील विद्यार्थ्यांना जात पडताळणी प्रमाणपत्र मिळवण्यासाठी अनेक अडचणींचा सामना करावा लागत आहे. त्यामुळे, जात पडताळणी प्रमाणपत्राऐवजी ते प्रमाणपत्र मिळविण्यासाठी केलेल्या अर्जाची पावती (टोकन) ग्राह्य धरण्यात यावे, अशी मागणी पाटील यांनी केली होती.