महादेव जानकरांना मागितली ५० कोटींची खंडणी, ५ आरोपी अटकेत

टीम महाराष्ट्र देशा : रासपचे नेते आणि दुग्धविकास मंत्री महादेव जानकर यांना ५० कोटींची खंडणी मागणाऱ्या ५ जणांना पुणे पोलिसांनी बारामतीतून अटक केली आहे. यामुळे राजकीय क्षेत्रात एकाच खळबळ उडाली असून जानकरांना नेमक्या कोणत्या कारणामुळे ब्लॅकमेल करण्यात आलं आहे, याची सगळ्यांना उत्सुकता लागलेली आहे.

महादेव जानकर आणि शेळी मेंढी महामंडळाचे अध्यक्ष बाळासाहेब दोडतोले यांची क्लिप व्हायरल करण्याची धमकी देत आरोपी ५० कोटींची खंडणी मागत होते. रक्कम देण्यास तयार आहोत, असं सांगून पोलिसांच्या मदतीने सापळा रचण्यात आला. १५ कोटींची रक्कम मागण्यात आली होती. पण प्रत्यक्ष साडे चार लाख रुपये जमा केले आणि खाली कागदाचे बंडल भरले आणि सापळा रचला. यानंतर पोलिसांनी इंद्रकुमार भिसे, सचिन पडळकर, दत्ता करे, तात्या कारंडे, विकास अलदर या पाच ताब्यात घेतलं. विशेष म्हणजे अटक केलेले सर्व आरोपी याअगोदर रासपचेच कार्यकर्ते होते.

Loading...

या प्रकरणाची तक्रार बाळासाहेब रूपनवर यांनी पोलिसात केली आहे यावेळी रुपनवर यांच्या माहितीनुसार, “सचिन पडळकर याने जानकरांना फोन करुन एक कोटी रुपये मागितले. निवडणूक लढण्यासाठी पैसे हवे असल्याचं त्याने सांगितलं. शिवाय बदनामीची धमकीही दिली. आम्ही एवढे पैसे देऊ शकत नाही, असं जानकरांनी स्पष्ट केलं. पण फोनवरुन त्रास सुरुच होता. जानकरांनंतर दोडतोले यांना फोनवरुन त्रास सुरु करण्यात आला”.

“आरोपींनी दोडतोले यांच्याकडे मागणी केली की, तुमच्या महामंडळासाठी एक हजार कोटी रुपये आले आहेत, त्यातून १०० कोटी रुपये द्या. मग मला फोन आला आणि बारामतीला बैठकीसाठी बोलावलं. तुमचा निरोप जानकर साहेब आणि दोडतोले यांना कळवतो असं त्या बैठकीत सांगितलं. आरोपींनी ५० कोटींची मागणी केली होती. काही दिवसांनंतर पुन्हा फोनवरुन त्रास सुरु झाला आणि पुण्यात बैठकीला बोलावलं. ५० ऐवजी ३० कोटी रुपये द्या अशी मागणी केली आणि त्यानंतर पोलिसांकडे तक्रार दिली. अगोदर १५ कोटी रुपये देण्याचं ठरलं होतं.

सापळा रचण्यासाठी साडे चार कोटी रुपये जमा केले आणि खाली कागदी बंडल होते. पैसे देण्यासाठी बारामतीतील हॉटेलमध्ये भेट ठरली. पण सगळे पैसे मोजेपर्यंत जाऊ नका, असं आरोपींनी सांगितलं. तेवढ्यात पोलिसांनी सर्वांना अटक केली,” अशी माहिती बाळासाहेब रुपनवर यांनी दिली.

Loading...
Loading...




Loading…




Top Posts

आमची 'आरती ' त्रास देत नाही ; तर तुमच्या ' नमाज ' चा त्रास कसा सहन करणार
अधिवेशन सुरु असतानाच मनसेला मोठा धक्का,'या' बड्या नेत्याने केला राष्ट्रवादीत प्रवेश
जावयाला अडचण झाली तर मुलीलाही अडचण होणार हे लक्षात असुद्या - शिवेंद्रराजे भोसले
राज ठाकरे बाळासाहेबांचे स्वप्न पूर्ण करायला मैदानात उतरत असतील तर त्यांचे स्वागतचं...
...अखेर प्राजक्त तनपुरेंचा राजीनामा
मंत्री अशोक चव्हाण यांचा खरा चेहरा उघड; रयत क्रांतीकडून टीका
'देवेंद्र फडणवीस जगातील सर्वांत खोटारडे नेते'
मनसेच्या झेंड्यावरून वाद,मराठा क्रांती मोर्चा करणार खटला दाखल
रोहितदादा पवार मानले राव या माणसाला ! मुंबईच्या डबेवाल्यांच्या अडचणी जाणून घेण्यासाठी झाला ' एक दिवसाचा मुंबईचा डबेवाला '
बीड: भाजप-राष्ट्रवादीत राडा; सरपंचाला चोपले