fbpx

लोकसभेसाठी पहिल्या टप्यासाठी मतदान आज , गडकरी, पटोले, अहिरांची प्रतिष्ठा पणाला

टीम महाराष्ट्र देशा: लोकशाहीच्या कुंभमेळ्याला आज सुरुवात झाली आहे, लोकसभेसाठी पहिल्या टप्यातील मतदान सध्या पार पडते आहे. विदर्भातील ७ जागांसह देशभरातील ९१ मतदारसंघात मतदान होणार आहे, नागपूर, रामटेक, गडचिरोली चिमुर, भंडारा गोंदिया, वर्धा, चंद्रपूर, यवतमाळ वाशिम या मतदारसंघाचा पहिल्या टप्यात समावेश आहे.

नागपूरमध्ये केंद्रीय मंत्री नितीन गडकरी आणि कॉंग्रेसचे नाना पटोले यांच्यामध्ये प्रतिष्ठेची लढाई सुरु आहे, गडकरींच्या होमग्राउंडमध्ये पटोले यांनी आव्हान उभे केले आहे. तर चंद्रपूरमध्ये केंद्रीय गृहराज्यमंत्री हंसराज अहिर यांना शिवसेना बंडखोर आणि कॉंग्रसचे उमेदवार असणारे बाळू धानोरकर यांचा सामना करावा लागणार आहे.

यवतमाळ – वाशीममध्ये शिवसेनेच्या भावना गवळी विरुद्ध कॉंग्रेसचे नेते माणिकराव ठाकरे यांच्यामध्ये लढत होत आहे, तर आ बच्चू कडूंच्या प्रहारने आत्महत्याग्रस्त शेतकऱ्याची पत्नी वैशाली येडे यांना मैदानात उतरवले आहे.

विदर्भात शिवसेनेचा गड समजल्या जाणाऱ्या रामटेक मतदारसंघात सेनेचे कृपाल तुमाने विरुद्ध कॉंग्रेसचे किशोर गजभिये लढत होत आहे. दरम्यान सकाळी १० वाजेपर्यंत सरासरी १० – १२ टक्के मतदान झाले आहे.