fbpx

एनडीएला ३०० पेक्षा जास्त जागा मिळतील ; चंद्रकांत खैरेंची भविष्यवाणी 

Chandrakant-Khaire

टीम महाराष्ट्र देशा : एनडीएला ३०० पेक्षा जास्त जागा मिळणार असा विश्वास खासदार चंद्रकांत खैरे यांनी व्यक्त केला आहे. प्रसार माध्यमांद्वारे प्रसिद्ध झालेल्या एक्झिट पोल नंतर माध्यमांशी संवाद साधताना ते बोलत होते.

लोकसभा निवडणुकीच्या शेवटच्या टप्प्यातील मतदान काल पार पडले. आता संपूर्ण देशाला २३ मे ला लागणाऱ्या निकालाची प्रतीक्षा आहे. देशात कोण सत्ता स्थापन करणार याची उत्सुकता लागलेली आहे. याचदरम्यान प्रसार माध्यमांद्वारे प्रसारित करण्यात आलेल्या एक्झिट पोल नुसार देशात एनडीए सरासरी २७० ते २९० जागा मिळवणार तर कॉंग्रेस सरासरी ११० ते १३० जागा मिळवणार असा अंदाज वर्तवण्यात आला आहे. याचबरोबर महाराष्ट्रात महायुती सरासरी ३० ते ४० जागा तर कॉंग्रेस – राष्ट्रवादी आघाडी सरासरी  ७ ते १२ जागा मिळवणार असा अंदाज वर्तवण्यात आला आहे.

याचदरम्यान, औरंगाबाद लोकसभा मतदार संघाचे महायुतीचे उमेदवार चंद्रकांत खैरे यांनी माध्यमांशी संवाद साधला. त्यावेळी एनडीएला ३०० किंवा ३०० पेक्षा जास्त जागा मिळणार आहेत. आघाडीत कोणाला पंतप्रधान करायचा हेच आजून स्पष्ट नाही. सगळे मला – मला करत आहेत. असे चंद्रकांत खैरे यांनी म्हंटले.
इतकेच नव्हे तर, मी ५५ हजार ते एक लाख मतांनी निवडणून येणार आहे. अशी भविष्यवाणी देखील त्यांनी केली.

विशेष म्हणजे, प्रसार माध्यमांच्या एक्झिट पोल नुसार औरंगाबाद लोकसभा मतदार संघात शिवसेना पुन्हा एकदा आपले वर्चस्व प्रस्थापित करणार असून चंद्रकांत खैरे  आपली जागा कायम ठेवणार असल्याचे दिसून आले आहे.