मलिकांना अण्णांनी पाठवली कायदेशीर नोटीस

टीम महाराष्ट्र देशा : राष्ट्रवादीच्या नवाब मलिकांनी केलेल्या आरोपाप्रकरणी समाजसेवक अण्णा हजारे यांनी नवाब मलिकांना कायदेशीर नोटीस पाठवली आहे. अण्णा पैसे घेऊन उपोषण करतात असा आरोप नवाब मलिकांनी केला होता.

नवाब मलिकांनी जाहीर लेखी माफी मागावी आणि तसा खुलासा करावा, अन्यथा नवाब मलिकांविरोधात फौजदारी आणि दिवाणी खटले दाखल करावे लागतील अशा स्वरुपाची नोटीस नवाब मलिकांना पाठवण्यात आली आहे. अण्णा हजारे हे संघ परिवाराकडून आणि वकिलांकडून पैसे घेऊन उपोषण करतात असा आरोप नवाब मलिक यांनी केला होता. दरम्यान मलिकांनी केलेल्या या आरोपांबद्दल खुद्द अजित पवार यांनी दिलगिरी व्यक्त केली होती.

दरम्यान, आज अण्णांच्या उपोषणाचा पाचवा दिवस आहे. अद्याप सरकारकडून कुणीही अण्णांच्या मागण्यांची दखल घेतलेली नाही. लोकपाल आणि लोकायुक्तांच्या नेमणुकीसाठी अण्णांनी उपोषण सुरु केलं आहे.