जम्मू-काश्मीरमध्ये भाजपच्या सर्व ९ मंत्र्यांचे राजीनामे

टीम महाराष्ट्र देशा : जम्मू-काश्मीरमध्ये मेहबुबा मुफ्ती यांच्या मंत्रिमंडळात लवकरच मोठे फेरबदल होणार आहेत. जम्मू-काश्मीरमध्ये भाजपच्या सर्व ९ मंत्र्यांनी राजीनामे दिले आहेत. त्यामुळे आता होणाऱ्या मंत्रिमंडळ विस्तारत भाजपच्या नव्या चेहऱ्यांना संधी देणार असल्याच उघड झाल आहे.

भाजपच्या सर्व मंत्र्यांनी जम्मू-काश्मीरचे भाजप प्रदेश अध्यक्ष सत शर्मा यांच्याकडे आपले राजीनामे सुपूर्द केले आहेत.

विधानसभा निवडणुकीत जम्मू-काश्मीरमध्ये पीडीपीने सर्वाधिक २८ जागा जिंकल्या होत्या, तर भाजपने तिथे २५ जागांसह दुसऱ्या क्रमांकावर आहे. तर काँग्रेसला तिथं फक्त १२ जागांवर विजय मिळवता आला होता.

जम्मू-काश्मीरमध्ये सध्या पीडीपी आणि भाजप युतीचं सरकार आहे. मेहबुबा मुफ्ती या तेथील मुख्यमंत्री आहेत. मेहबुबा मुफ्ती या माजी मुख्यमंत्री मुफ्ती मोहम्मद सईद यांच्या कन्या आहेत. तसंच त्या जम्मू-काश्मीर पीपल डेमोक्रेटिक पक्षाच्या अध्यक्षही आहेत.