fbpx

सर्व शाळांमध्ये मराठी भाषा शिकवणं बंधनकारक करणार : मुख्यमंत्री

टीम महाराष्ट्र देशा : राज्यात सर्वच बोर्डाच्या शाळांमध्ये मराठी भाषा शिकवणं बंधनकारक आहे. त्यासाठी कठोर कायदा करणार अशी घोषणा मुख्यमंत्री देवेंद्र फडणवीस यांनी विधानपरिषदेत केली.

२४ जून रोजी राज्यातील प्रमुख साहित्यिक मराठी भाषा अनिवार्य करावी, यासाठी मुंबईतील आझाद मैदानावर आंदोलन करणार आहेत. याबाबत शिवसेनेच्या आमदार नीलम गोऱ्हे यांनी औचित्याचा मुद्दा उपस्थित केला. त्यावर महाराष्ट्रात मराठी शिकणं हे सगळ्यांसाठी बंधनकारक करणार, असं उत्तर मुक्यामंत्री देवेंद्र फडणवीस यांनी दिलं.

काही शाळा विशेषत: सीबीएसई, आयसीएसई बोर्डाच्या काही शाळा याचं पालन करत नाहीत, हे माझ्या लक्षात आलं आहे. यासाठी कायद्यात बदल करुन अतिशय कठोर कारवाई करणार आहे. महाराष्ट्रात मराठी शिकणं हे सगळ्यांसाठी बंधनकारक राहिल. सर्वच बोर्डाच्या शाळांना मराठी शिकवावं लागेल, यासाठी कायद्यात बदल केले जातील. असंही मुख्यमंत्री फडणवीस म्हणाले.