fbpx

…अयोध्येचा मुद्दा २४ तासांच्या आत निकाली काढू – योगी आदित्यनाथ

YOGI_Adityanath

टीम महाराष्ट्र देशा – न्यायालयाने परवानगी दिल्यास अयोध्या मुद्दा २४ तासांच्या आत निकाली काढू, अशी वादग्रस्त प्रतिक्रिया उत्तर प्रदेशचे मुख्यमंत्री योगी आदित्यनाथ यांनी दिली आहे.

येत्या २९ जानेवारीपासून रामजन्मभूमी खटल्यावर सर्वोच्च न्यायालयाचे पाचसदस्यीय घटनापीठ सुनावणी करणार आहेत. या पार्श्वभूमीवर अयोध्येसाठी पुढील आठवडा महत्त्वाचा मानला जात आहे.

उत्तर प्रदेशचे मुख्यमंत्री योगी आदित्यनाथ म्हणाले की,न्यायालयाने परवानगी दिल्यास अयोध्या मुद्दा २४ तासांच्या आत सोडवू,असे सांगत उत्तर प्रदेशचे मुख्यमंत्री आदित्यनाथ यांनी वाद ओढवून घेतला. आदित्यनाथ एका खासगी वाहिनीशी बोलताना म्हणाले, राम मंदिर बांधकामाला होत असलेल्या विलंबाबाबत लोकांचा संयम सुटत चालला आहे.

प्रयागराज येथील कुंभमेळ्यात ३१ जानेवारी व १ फेब्रुवारीला राम मंदिर बांधण्याच्या मुद्द्यावर विश्व हिंदू पुरस्कृत धर्म संसदेची बैठक होत आहे. त्यामुळे या बैठकीकडे सर्वांचे लक्ष लागून आहे. धर्मसंसदेला भाजप अध्यक्ष अमित शहा यांच्यासह पक्षाचे वरिष्ठ नेते उपस्थित राहण्याची शक्यता आहे.