भारताचा द. आफ्रिकेला व्हाईट वॉश, रांची कसोटीत डाव आणि २०२ धावांनी विजय

टीम महाराष्ट्र देशा – भारताने सांघिक कामगिरीच्या बळावर दक्षिण आफ्रिकेवर रांची कसोटीत डाव आणि २०२ धावांनी विजय मिळवला आहे. या सामन्यात भारतीय गोलंदाजांनी चमकदार कामगिरी करत दक्षिण आफ्रिकेचा दुसरा डाव अवघ्या १३३ धावांत गुंडाळला. यामध्ये सर्वच गोलंदाजांनी चांगली कामगिरी केली.

या सामन्यात नाणेफेक जिंकून प्रथम फलंदाजी करत भारताने नाणेफेक जिंकत प्रथम फलंदाजी करत पहिला डाव ९ बाद ४९७ धावांवर घोषित केला. यामध्ये सलामीवीर रोहित शर्माने द्विशतकी खेळी केली. तसेच उपकर्णधार अजिंक्य रहाणेने शतकी खेळी करत शर्माला चांगली साथ दिली. तर दक्षिण आफ्रिकेकडून लिंडा ने ४ गडी बाद केले.

दक्षिण आफ्रिकेने पहिल्या डावात फलंदाजी करताना फक्त १६2 धावा केल्या, यात जुबेर हमजाने ६२ धावा केल्या. तसेच लिंडाने ३७ धावा केल्या. भारताकडून उमेश यादवने ३ तर शमी आणि नदीम यांनी प्रत्येकी २ विकेट्स घेतल्या. त्यानंतर फॉलो ऑन मिळाल्यावर आफ्रिकेच्या फलंदाजांना दुसऱ्या डावातही चांगला खेळ करता आला नाही.

आफ्रिकन फलंदाजांनी दुसऱ्या डावात फक्त 133 धावा केल्या. भारताकडून शमीने ३ तर उमेश यादव आणि नदीमने 2 आणि अश्विन आणि जडेजा यांनी १ बळी घेतला. पाहिला डावात फलंदाजांनी आणि दोन्ही डावात गोलंदाजांनी केलेल्या चांगल्या कामगिरीमुळे भारताला विजय मिळवणे शक्य झाले.

महत्वाच्या बातम्या 

Loading...

Loading...

Loading...