राजमुद्रेचा वापर केला तर कायदेशीर लढाई लढणार : विनोद पाटील

औरंगाबाद : राज्यातील बदललेल्या नव्या राजकीय समिकरणानंतर सर्वच पक्षांतर्गत बदलास सुरुवात झालेली दिसत आहे. नव्या राजकीय समीकरणामध्ये अस्तित्त्वासाठी धडपडणाऱ्या मनसेनेही कात टाकण्यासाठी प्रयत्न सुरु केला आहे. उद्या मुंबईमध्ये होणाऱ्या मनसेच्या अधिवेशनात पुन्हा उभारी घेण्यासाठी नेते व कार्यकर्त्यांना बळ मिळणार अशी आशा करीत आहेत. सोबतच पक्षाचा नवा झेंडा आणि पक्षाची पुढील ध्येय धोरणे आणि विचारधारा ही मनसे अध्यक्ष राज ठाकरे यांच्याकडून स्पष्ट केली जाण्याची शक्यता आहे. तत्पुर्वीच मनसेचा नवा झेंडा फडकण्यापुर्वीच वादात सापडण्याची चिन्हे आहेत.

मनसेच्या नव्या झेंड्यामध्ये छत्रपती शिवाजी महाराजांच्या राजमुद्रेचा वापर केला जाणार आहे. त्यामुळे मराठा समाजाकडून न्यायालयीन लढाई लढणारे आणि आर. आर. पाटील फाऊंडेशनचे अध्यक्ष विनोद पाटील यांनी राजमुद्रेचा वापर केला तर कायदेशीर लढाई लढण्याचा निर्धार केला आहे. जर मनसेने राजमुद्रेचा वापर केला तर केंद्र, राज्य सरकारसोबतच निवडणूक आयोगाला पत्र देण्यात येणार असल्याचे विनोद पाटील यांनी सांगितले आहे.

Loading...

राज्यात कोणीही विचार केला नसतानाही नवीन सत्तासमीकरण उदयास आले. जे पक्ष विरोधात बसतील अशी शक्यता होती, त्या पक्षांनी सत्तेचे मैदान मारले. त्यामुळे महाराष्ट्र नवनिर्माण सेनाही नव्या भूमिकेत समोर येण्यास सज्ज झाली आहे. नव्या भूमिकेसह मनसे आपला झेंडा देखील बदलत आहे. मनसेच्या नव्या झेंड्यावर छत्रपती शिवाजी महाराजांची राजमुद्रा घेण्यात येणार असल्याची चर्चा आहे. त्यामुळे वाद निर्माण झाला आहे. मराठा आरक्षणाचा न्यायालयीन लढा लढणारे विनोद पाटील या विरोधात न्यायालयात जाणार असल्याचे समजते.

तत्पूर्वी केंद्र सरकार, राज्य सरकार आणि निवडणूक आयोग याना विनंती करणारे पत्र देण्यात येणार आहे. या पत्रात राजमुद्रेचा वापर कोणीही करू नये, कोणीही शिवरायांच्या राजमुद्रेचा वापर टाळावा यासाठी सरकारने ठोस भूमिका जाहीर करावी, अशी मागणी करण्यात येणार आहे.

राष्ट्रीय अवमान प्रतिबंध कायदा- 1971′ मध्ये समावेश करावा

शिवाय राज्य आणि केंद्र सरकारने शिवरायांच्या राजमुद्रेचा अवमान कधीही होऊ नये, कोणी करू नये म्हणून राजमुद्रेचा समावेश राष्ट्रीय अवमान प्रतिबंध कायदा- 1971′ मध्ये समावेश करावा अशी मागणी करण्यात येणार आहे. आज संध्याकाळपर्यंत याबाबतचे पत्र पाठवण्यात येणार आहेत. राजमुद्रा हे छत्रपती शिवाजी महाजारांचे प्रतीक आहे. त्यामुळे कोणीही शिवाजी महाराजांच्या राजमुद्रेचा वापर राजकारणासाठी करू नये, अशी विनोद पाटील यांनी मागणी केली आहे. आठवडाभरापूर्वी विनोद पाटील यांनी मनसे अध्यक्ष राज ठाकरे यांना विनंतीपत्रही पाठवले होते. मात्र त्याचे काहीही उत्तर मिळाले नाही. त्यामुळे आता टप्प्याटप्प्याने न्यायालयीन लढाई लढण्याचा निर्धार विनोद पाटील यांनी केला आहे.

Loading...
Loading...




Loading…




Top Posts

कोरोना व्हायरस संदर्भात भारतीय शास्त्रज्ञांना मोठं यश
परभणीच्या 'त्या' शेतकऱ्याने थेट मुख्यमंत्र्यांनाच केला एसएमएस, त्यांनतर जे घडले...
भारताचा 'हा' स्टार गोलंदाज पोलिसी वर्दीत करतोय कोरोनाबाबत जनजागृती
आनंदवार्ता : पुण्यात कोरोनामुक्त झालेल्यांची संख्या वाढली, डॉक्टरांवर होतोय कौतुकाचा वर्षाव
फैसला ऑन दि स्पॉट , संकटात सापडलेल्या शेतकऱ्यांना दादांनी दिला दिलासा
माझी बदनामी करणारे 80 टक्के मराठा तरुण, आज मराठा समाजात जन्मल्याची लाज वाटते : तृप्ती देसाई
काय फरक पडतो म्हणणाऱ्या राज ठाकरेंनाच बसला कोरोनाचा फटका
संज्याला मी चर्च गेट स्टेशनवर फाटक्या कपड्यात पेटी वाजवताना बघितलं होतं ; आज खात्री झाली : निलेश राणे
कोरोना इफेक्ट् : भारतात कंडोमच्या विक्रीत तब्बल ५० टक्क्यांनी वाढ
माझं शरीर आहे, माझी मर्जी मी माझ्या शरीरासोबत तेच करेन ! जे मला योग्य वाटतं