fbpx

राहुल गांधी जर तुमच्यात हिम्मत असेल तर … मोदींचे खुले आव्हान

मोदी

टीम महाराष्ट्र देशा : लोकसभा निवडणुकीच्या निमित्ताने देशातील राजकीय वातावरण चांगलेच तापले आहेत. पंतप्रधान नरेंद्र मोदी यांनी कॉंग्रेस अध्यक्ष राहुल गांधी यांना खुले आव्हान दिल आहे.

झारखंडमधील सभेत बोलताना मोदींनी ‘जर काँग्रेसच्या नेत्यांमध्ये, राहुल गांधींमध्ये हिंमत असेल तर निवडणुकीतील पुढचे दोन्ही टप्पे राजीव गांधींच्या मान-सन्मानाच्या मुद्द्यावर निवडणूक लढवावी असं आव्हान दिलं आहे. ‘बोफोर्स भ्रष्टाचाराचं नाव घेतलं तर काँग्रेसमध्ये वादळ आलं. राजीव गांधींचे नाव घेतलं तर त्यांच्यात पोटात इतकं दुखू लागलं की जोरजोरात रडू लागलेत. मात्र ते जेवढं रडतील तेवढे सत्यही लोकांसमोर येईल. हीच माणसं मर्यादेच्या पलीकडे जाऊन पंतप्रधानांना शिव्या देत होते’ असंही मोदी पुढे बोलताना म्हणाले.

दरम्यान, लोकसभा निवडणुकीच्या प्रचारात राहुल गांधी यांच्याकडून नरेंद्र मोदींवर राफेल घोटाळ्याचा आरोप केला जात आहे. तर मोदी यांनी पलटवार करत राजीव गांधी यांचा जीवनप्रवास भ्रष्टाचारी नंबर वन अशा रुपात संपल्याची टीका केली होती. त्यामुळे मोदींवर जोरदार टीका झाली आहे.