मराठा समाजातील तरुणांची अवस्था बघून वाईट वाटते- पंकजा मुंडे

पुणे: मराठा समाजातील तरुणांची अवस्था बघून मला त्यांच्याबद्दल वाईट वाटते. मराठा समाजाकडे आत्तापर्यंत सत्ता होती, परंतु जोपर्यंत सामाजिक मागासलेपणा जात नाही, रोटी-बेटीचे व्यवहार विशिष्ट समाजाबाहेर होत नाहीत, तोपर्यंत आरक्षणाचा मुद्दाही जाणार नाही. असे पंकजा मुंडे म्हणाल्या. महाराष्ट्र राज्य मातंग समाज संघटना आयोजित लोकशाहीर अण्णा भाऊ साठे पुरस्कार वितरणप्रसंगी मुंडे बोलत होत्या.

जाती-पातींचे राजकारण वाढत चालले आहे. प्रत्येक समाजातील उपजातींना वेगळे करण्याचा घाट घातला जात आहे. त्यामुळे अण्णा भाऊ साठे यांच्या नावाचा पुरस्कार केवळ एकाच विशिष्ट समाजापुरता मर्यादित राहू नये, तर अन्य जातीतील व्यक्तींनाही दिला पाहिजे. असे मुंडे म्हणाल्या.

यावेळी, पालकमंत्री गिरीश बापट, खासदार अनिल शिरोळे, सामाजिक न्याय राज्यमंत्री दिलीप कांबळे, आमदार विजय काळे, भाजपचे शहराध्यक्ष योगेश गोगावले, माधुरी मिसाळ, योगेश टिळेकर, सिंबायोसिसचे संस्थापक डॉ.शांमुजुमदार उपस्थित होते.