मुख्यमंत्र्यांच्या दौऱ्याआधीच उपमुख्यमंत्र्यांच्या मराठवाडा मुक्तीसंग्राम दिनाच्या शुभेच्छा

Ajit Pawar

मुंबई : ‘मराठवाडा मुक्तीसंग्राम’ हा मराठवाड्याच्या त्यागाचा, शौर्याचा, संघर्षाचा गौरवशाली इतिहास आहे. स्वामी रामानंदतीर्थ, गोविंदभाई श्रॉफ यांच्यासारख्या दिग्गज मान्यवरांच्या नेतृत्त्वाखाली लढलेल्या मराठवाडा मुक्तीसंग्रामाचं महत्वं देशाच्या स्वातंत्र्यलढ्याइतकंच आहे. देशाची एकता, अखंडता, सार्वभौमतेसाठी मराठवाडा मुक्ती संग्रामात शहीद झालेल्या, त्याग केलेल्या वीर सुपुत्रांचा देश नेहमीच ऋणी राहील. मी त्यांना वंदन करतो, अशा शब्दात उपमुख्यमंत्री अजित पवार यांनी मराठवाडा मुक्ती संग्रामातील वीरांचे स्मरण करुन राज्यातील जनतेला मराठवाडा मुक्ती संग्रामदिनाच्या शुभेच्छा दिल्या आहेत.

‘मराठवाडा मुक्ती संग्रामदिना’निमित्त उपमुख्यमंत्री अजित पवार यांनी मराठवाड्यासह राज्यातील जनतेला शुभेच्छा दिल्या असून निजामाच्या जुलमी राजवटीतून मराठवाडा मुक्तीसाठी लढलेल्या मराठवाड्यातील नागरिकांबद्दल, स्वातंत्र्यसैनिकांबद्दल कृतज्ञता व्यक्त केली आहे. मराठवाड्याचा इतिहास संघर्षाचा राहिला आहे. हा संघर्षाचा वारसा कायम ठेवून भविष्यकाळात मराठवाड्याच्या सर्वांगीण विकासाचे ध्येय ठेवून आपण सर्वांनी एकजुटीनं प्रयत्न करुया, असं आवाहनही उपमुख्यमंत्र्यांनी मराठवाड्यातील जनतेला केलं आहे.

मुख्यमंत्री उद्धव ठाकरे या निमित्त औरंगाबादला येत आहे. त्यांचा हा दौरा चांगलाच वादळी ठरण्याची चिन्हे आहेत. एमआयएम मुख्यमंत्र्यांचे उपहासात्मक स्वागत करणार आहे. तर इतर काही  पक्ष आणि विविध संघटनांनी देखील आंदोलनाचा इशारा दिला आहे. त्यात आता उपमुख्यमंत्र्यांनी मुक्तीसंग्राम दिनाच्या पूर्व संध्येलाच जनतेला शुभेच्छा दिल्या आहेत.

महत्त्वाच्या बातम्या