ग्रामपंचायत सार्वत्रिक निवडणूक कार्यक्रम जाहीर

औरंगाबाद  : राज्य निवडणूक आयोगाचे ग्रामपंचायत, सार्वत्रिक निवडणूक-2017 चे संदर्भात घोषित केलेल्या निवडणूक कार्यक्रमान्वये औरंगाबाद जिल्ह्यातील, सोयगांव, सिल्लोड, कन्नड, फुलंब्री, खुलताबाद, वैजापूर, गंगापूर, औरंगाबाद व पैठण या तालुक्यातील एकूण 212 ग्रामपंचायतीच्या सार्वत्रिक निवडणुका घेण्यात येणार आहेत.

त्याकरिता राज्य निवडणूक आयोगाचे आदेशानुसार सार्वत्रिक निवडणूक असलेल्या ग्रामपंचायतीच्या सिमेलगतच्या गांवामध्ये आचारसंहिता लागू झालेली आहे. व ही आचारसंहिता निवडणुकीचा निकाल जाहीर होईपर्यंत अस्तित्वात राहील असे ग्रामपंचायत निवडणूक शाखा जिल्हाधिकारी कार्यालयामार्फत कळविण्यात आले आहे.

ग्रामपंचायतीच्या सार्वत्रिक निवडणूक कार्यक्रम टप्पेनुसार (सर्व सदस्य व सरपंच पदासाठीचा कार्यक्रम) पुढीलप्रमाणे आहे. जिल्ह्यातील सर्व तहसिलदार यांनी निवडणुकीची नोटीस प्रसिध्द करण्याचा 07-09-2017, नामनिर्देशनपत्रे मागविण्याचा व सादर करण्याचा 15.09.2017 ते 22.09.2017 वेळ सकाळी 11.00 ते दुपारी 4-30 वाजेपर्यंत (सार्वजनिक सुट्टी वगळून), नामनिर्देशनपत्रे छाननी करण्याचा 25.09.2017 सोमवार वेळ सकाळी 11-00 वाजेपासून ते छाननी संपेपर्यंत, नामनिर्देशन मागे घेण्याचा अंतिम दि. 27.09.2017 (बुधवार) दु. 3-00 वाजेपर्यंत, निवडणूक चिन्ह नेमून देण्याचा तसेच अंतिमरित्या निवडणूक लढविणा-या उमेदवारांची यादी प्रसिध्द करण्याचा 27.09.2017 (बुधवार) दु. 3-00 वाजेनंतर, आवश्यक असल्यास मतदानाचा दिनांक 7.10.2017 (शनिवार) स. 7-30 वा. पासून ते सायं 5-30 वा.पर्यंत.

मतमोजणीचा 09.10.2017 (सोमवार) (मतमोजणीचे ठिकाण व वेळ जिल्हाधिका-यांचा मान्यतेने तहसिलदार निश्चित करतील त्यानुसार राहील.), जिल्हाधिकारी कार्यालयाकडून निवडणुकीचा निकाल प्रसिध्द करण्याचा अंतिम दिनांक11.10.2017 यांचा मान्यतेने तहसिलदार निश्चित करतील त्यानुसार राहील,असे कळविण्यात आले आहे

You might also like
Comments
Loading...