लाल दिव्याची हौस उपायुक्तांच्या अंगाशी

red beacon car image

औरंगाबाद, – लाल दिव्याची मोटार दिमतीला असावी म्हणून अग्निशामक विभागाची मोटार वापरणारे मनपा उपायुक्त निकम यांना आयुक्त मुगळीकर यांनी कारणे दाखवा नोटीस बजावली आहे. ऐन दिवाळीत निकम यांनी अग्निशमक  विभागाची अंबर दिव्याची मोटार वापरली होती. सोमवारी दिव्याच्या मोटारीसह निकम यांचे छायाचित्र व्हायरल झाले. वृत्तपत्रांत याबाबतचे वृत्त प्रसिद्ध झाल्यानंतर आज मुगळीकर यांनी त्यांना कारणे दाखवा नोटीस बजावली.

यात निकम यांच्याकडून खुलासा मागवण्यात आला असून दिव्याच्या मोटारीच्या चालकाचाही जबाब नोंदवला जाणार आहे.निकम यांनी कोणाला फोन करून लाल दिव्याची मोटार मागवून घेतली, त्यांनी अग्निशामक विभागाला पत्र दिले होते की फक्त फोनवरून मोटार त्यांच्या दिमतीला देण्यात आली. अग्निशामक विभागाचे प्रमुख आर. के. सुरे यांच्याकडूनही याची माहिती घेतली जाणार आहे.

Loading...

त्यानंतर पुढील कारवाई केली जाणार असल्याचे मुगळीकर यांनी स्पष्ट केले. मनपा आयुक्तांच्या मोटारीलाही लाल दिवा नाही. केवळ दिवा हवा या अट्टहासापोटी तत्कालीन आयुक्त कांबळे यांनी अग्निशामक विभागाची मोटार वापरली होती. त्यानंतर कोणीही ही मोटार वापरली नाही. आता निकम यांनी केवळ मोटारीवर दिवा हवा म्हणून ही मोटार वापरली.

अग्निशामक विभागाचे विभागप्रमुख या नात्याने निकम मोटार वापरु शकत असले तरी ती कोणत्या कामासाठी वापरली, हे महत्त्वाचे आहे. निकम हे रजेवर होते आणि रजेच्या काळात वैयक्तिक कामासाठी त्यांनी मोटार वापरल्याने त्यांच्यावर कारवाई होऊ शकते, असे सूत्रांनी सांगितले. निकम यांचा खुलासा आल्यानंतर उपायुक्त अय्युब खान सविस्तर अहवाल आयुक्तांना सादर करणार आहेत.

Loading...
Loading...




Loading…




Top Posts

इतिहासावरून देवेंद्र फडणवीस-आदित्य ठाकरेंमध्ये जुंपली
'झारखंड निवडणुकीवेळी धोनीनं भाजपात प्रवेश न केल्याने BCCIने करारातून वगळले'
सुप्रिया सुळे यांनीही पहिला 'तान्हाजी', चित्रपट पाहून म्हणाल्या...
पाच वर्ष सरकार चालवायचं आहे लक्षात ठेवा;शरद पवारांचा संजय राऊतांना सूचक इशारा
मलाही बेळगाव पोलिसांनी मारहण केली होती : शरद पवार
सचिन सावंत संभाजी भिडेंवर बरसले, म्हणतात...
'माझे पप्पा' हा निबंध लिहून सर्वांच्या डोळ्याला पाणी आणणाऱ्या 'त्या' मुलाची धनंजय मुंडेंनी घेतली दखल
राष्ट्रवादीतून भाजपमध्ये आलेला 'हा' युवा आमदार बनला ठाणे शहर जिल्हा भाजप अध्यक्ष
‘सामाजिक न्याय मंत्री धनंजय मुंडे यांनी विरोधी पक्षातील भूमिकेतून बाहेर यावं’
मोठी बातमी : महाविकास आघाडीचं बिनसलं, कॉंग्रेस-राष्ट्रवादी आमने सामने