युट्यूब प्रेंमींसाठी ‘युट्यूब गो’

आता कमी स्पीडमध्येही डाऊनलोड करता येणार

वेब टीम :युट्यूबची लोकप्रियता आपणास माहीतच आहे .कोणताही व्हिडिओ पाहण्यासाठी आपण युट्यूबची मदत घेतो.मनोरंजन,खेळ,राजकारण यापासून कोणत्याही क्षेत्राशी संबंधित व्हिडिओ आपणास युट्यूब लगेच मिळतो . आता गुगलने युट्युब प्रेमींसाठी एक नवीन अॅप आणलं आहे.युट्यूब गो नावाचे हे अॅप युझर्सच्या चांगल्याच पसंतीस उतरत आहे .

विविध पर्याय
व्हिडिओ पाहायचा आहे की डाऊनलोड करायचा आहे, याबाबत विविध पर्याय उपलब्ध आहेत. तुम्ही पाहत असलेला व्हिडीओ डाऊनलोड होण्यापूर्वी त्याचा प्रीव्यूव्ह बघू शकता. त्यामुळे तुम्ही  शोधत असलेला व्हिडिओ तोच आहे का? याबाबत खात्री करता येते. तसंच या व्हिडिओवर आपण किती एमबी डेटा खर्च केले हेही इथे दिसतं.

ऑफलाईन व्हिडिओ शेअरिंग
डाऊनलोड केलेला व्हिडिओ तुम्ही तात्काळ मित्रांना पाठवू शकता. अगदी शेअर इटसारखं व अत्यंत कमी वेळेत हा व्हिडिओ शेअर होतो. तसंच हे शेअर करताना तुमचा डेटा वापरला जाणार नाही, याची पुरेपूर काळजी या अॅपने घेतली आहे.म्हणजेच ऑफलाईन व्हिडिओ शेअरिंग करता येणार आहे.

व्हायरसचा धोका नाही 
याआधी युट्यूबवरील व्हिडिओ डाऊनलोड करण्यासाठी थर्ड पार्टी अॅप्सचा वापर करावा लागत असे. यातून व्हायरसचा धोका नेहमीच असायचा. आता या सर्व गोष्टींना कायमचा चाप बसणार आहे. हे अॅप फक्त ९ एमबीचं आहे. त्यामुळे इन्स्टॉल केल्यावरही ते जास्त जागा वापरणार नाही आणि फोन हँग होण्याचा प्रश्नच उद्भवणार नाही.

कमी स्पीडमध्येही डाऊनलोड करता येणार

युट्यूबवरील कोणताही व्हिडिओ आपण अगदी कमी स्पीड असलेल्या इंटरनेटवरून ही डाऊनलोड करू शकतो. तसंच तो नंतर कितीही वेळा पाहू शकतो. त्यासाठी अतिरिक्त चार्जेस लागत नाहीत. हा विडिओ आधी असलेल्या युट्यूबच्या ऑफलाइन फीचर्ससारखा काही दिवसानंतर निघून जात नाही.