Maharashtra Bus Accident In MP | बस अपघातातील मृतांच्या नातेवाईकांना पन्नास लाख रुपये द्या! – अमोल मिटकरी

Maharashtra Bus Accident In MP : मध्य प्रदेशातील धार जिल्ह्यातील खलघाट येथे महाराष्ट्रातील एसटी बस पुलाचे रेलिंग तुटून नर्मदा नदीत पडून चालकासह १३ जणांचा मृत्यू झाला. यामध्ये 15 जणांचा जीव वाचल्याची माहिती मिळत आहे. मध्य प्रदेश सरकारने दिलेल्या माहितीनुसार, ही बस इंदूरहून पुण्याकडे जात होती. महाराष्ट्राचे मुख्यमंत्री एकनाथ शिंदे यांनी MSRTC (महाराष्ट्र राज्य मार्ग परिवहन महामंडळ) ला नर्मदा नदीतील MSRTC बस अपघातातील मृतांच्या नातेवाईकांना प्रत्येकी 10 लाख रुपयांची सानुग्रह अनुदान देण्याचे निर्देश दिले आहेत.दरम्यान, राष्ट्रवादी काँग्रेसचे आमदार अमोल मिटकरी यांनी बसमधील मृतांच्या नातेवाईकास पन्नास लाख रुपयांची मदत देण्याची मागणी केली आहे.

अमोल मिटकरी म्हणाले, “धार खलघाट येथे प्रवाशांनी भरलेली महाराष्ट्र राज्य परिवहन बस नर्मदा नदीत पडली. बसमध्ये मुलांसह 50 हून अधिक लोक होते. नदीतून आतापर्यंत 13 जणांचे मृतदेह बाहेर काढण्यात आले आहेत. महाराष्ट्र सरकारने तात्काळ मृतांच्या नातेवाईकास पन्नास लाख रुपयांची मदत जाहीर करावी.”

खलघाट येथील संजय सेतू येथे हा अपघात झाला. मध्य प्रदेशचे गृहमंत्री नरोत्तम मिश्रा यांनी या घटनेला दुजोरा दिला. या घटनेनंतर विभागीय आयुक्त डॉ. पवनकुमार शर्मा यांनी दोन्ही जिल्ह्यांच्या जिल्हाधिकाऱ्यांना घटनास्थळी पोहोचण्याचे निर्देश दिले. या बसमध्ये इंदौर आणि पुण्याचे प्रवासी असल्याचे सांगण्यात येत आहे. तसेच ही बस महाराष्ट्र रोडवेजची असल्याचे खासदार गृहमंत्री नरोत्तम मिश्रा यांनी सांगितले.

मुख्यमंत्री शिंदेंकडून १० लाखांच्या मदतीची घोषणा

मध्य प्रदेशात नर्मदा नदीमध्ये आज एसटी महामंडळाची बस बुडून झालेल्या अपघातात मरण पावलेल्या प्रवाशांच्या नातेवाईकांना एसटीतर्फे प्रत्येकी दहा लाख रुपये देण्याची कार्यवाही लगेच करावी असे निर्देश मुख्यमंत्री एकनाथ शिंदे यांनी एसटी महामंडळाला दिले आहेत.

घटनास्थळी खरगोन व धारचे जिल्हा प्रशासन पोहोचले असुन बस क्रेनच्या सहाय्याने बाहेर काढण्यात यश आले आहे. तसेच जखमींना उपचारासाठी जवळच्या रुग्णालयात दाखल करण्यात आले आहे. आवश्यक ती सर्व मदत करण्याच्या हेतुने जिल्हाधिकारी जळगाव व जळगाव जिल्हा प्रशासन हे खरगोन व धार जिल्हा प्रशासनाच्या नियमित संपर्कात असून अपघातग्रस्त व्यक्तींना सर्व आवश्यक ते सहकार्य करण्याचे नियोजन करण्यात आले आहे. अशी माहिती जळगाव जिल्हाधिकारी अभिजीत राऊत यांनी दिली आहे.

महत्वाच्या बातम्या :

• CM Eknath Shinde : राष्ट्रवादीच्या बड्या नेत्यांनी घेतली मुख्यमंत्र्यांची भेट; विकासकामांना स्थगिती न देण्याची मागणी
• Kishore Patil : शिवसेनेसारखी भाजपाची परिस्थिती होऊ नये यासाठी किरीट सोमय्यांना समज द्यावी – किशोर पाटील
• Bus accident in Indore । एकनाथ शिंदेंनी साधला मध्यप्रदेशच्या मुख्यमंत्र्यांशी संवाद
• Eknath Shinde : इंदौरहून जळगावला येणाऱ्या बसचा अपघात; मुख्यमंत्री शिंदेंकडून १० लाखांच्या मदतीची घोषणा
• IND vs ENG : ऋषभ पंतच्या धडाकेबाज कामगिरीमागे ‘हा’ खेळाडू, ट्विटने केला खुलासा; वाचा!