महाराष्ट्र देशा ! मंगल देशा ! पवित्र देशा !

यवतमाळात कापसाच्या दरावरून शेतकरी संतप्त

यवतमाळ – यवतमाळ जिल्ह्यातील घाटंजी इथल्या कृषी उत्पन्न बाजार समितीच्या यार्डात आज शेतकऱ्यांनी गोंधळ घातला. कापसाचे भाव अचानक 500 रुपयांनी गडगडल्याने शेतकरी संतप्त झाले होते. शेतकऱ्यांनी यार्डाबाहेर पडून रस्ता रोखून धरत आपल्यावरील अन्यायाला वाचा फोडली. गेल्या काही दिवसांपासून कापसाला 5200 रुपयांवर क्विंटलप्रमाणे भाव मिळत असल्याने मोठ्या प्रमाणात कापसाची आवक घाटंजीतील स्व. सुरेशबाबू लोणकर कापूस मार्केट यार्ड मध्ये झाली.

मात्र आज अचानक या भावात 500 रुपयांची घसरण होऊन 3700 रुपये भाव व्यापाऱ्यांनी केला. त्यामुळे शेतकरी संतप्त झाले. शेतकऱ्यांवर अन्याय का, शेतकऱ्यांची लूट थांबवा अशा घोषणा देत सामूहिकरीत्या शेतकऱ्यांनी आंदोलन सुरु केले.

त्यानंतर घाटंजीतील कापूस खरेदी बंद करण्यात आली. व्यापाऱ्यांनी संघटितपणे शेतकऱ्यांची फसवणूक करण्यासाठी भाव पाडले असा आरोप शेतकऱ्यांनी केला.

You might also like
Comments
Loading...