कॉंग्रेसने उमेदवारी दिली नाही तरीही लोकसभा निवडणूक लढवणार : डॉ. सुजय विखे पाटील

टीम महाराष्ट्र देशा– नगर दक्षिण लोकसभा मतदार संघातून आपण काँग्रेस पक्षाकडे उमेदवारी मागितली आहे. मात्र, पक्षाने उमेदवारी दिली नाही तरी, आपण ही निवडणूक लढणार आहोत. माझे वडील काँग्रेसचे नेते आणि आई काँग्रेस पक्षाकडून जिल्हा परिषद अध्यक्षा असल्या तरी, मला माझा पक्ष निवडण्याचा पूर्ण अधिकार आहे. असे वक्तव्य युवा नेते डॉ. सुजय विखे पाटील यांनी केल्याने जिल्ह्याच्या राजकारणात खळबळ उडाली आहे.

सुजय विखे हे विधानसभेचे विरोधीपक्ष नेते राधाकृष्ण विखे पाटील यांचे पुत्र असून ते अहमदनगर दक्षिण लोकसभा मतदारसंघात काँग्रेस कडून इच्छुक आहेत. राहाता येथे निळवंडे धरणाच्या कालव्या संदर्भात डॉ. विखे यांच्या नेतृत्वाखाली शेतकऱ्यांंनी रास्तारोको आंदोलन केले. त्यानंतर पत्रकारांशी वार्तालाप करताना ते बोलत होते.

दरम्यान,राधाकृष्ण विखे पाटील आणि मुख्यमंत्री देवेंद्र फडणवीस यांची जवळीक सर्वश्रुतआहे. त्यामुळे सुजय विखे यांच्या या वक्तव्याचा नगरकरांनी उचित अर्थ घेतला आहे. दरम्यान, विखे पाटलांवर भाजपच्या ‘बी’ टीमचा कॅप्टन म्हणून होणारी टीका या वक्तव्यातून पुन्हा एकदा प्रकर्षाने समोर येत आहे.

Loading...