fbpx

संजय राऊत यांना निवडणूक आयोगाची नोटीस !

sanjay-raut1

मुंबई – शिवसेनेचे खासदार संजय राऊत आणि सामना या वृत्तपत्राला निवडणूक आयोगाने नोटीस बजावल्यामुळे संजय राऊत यांच्या अडचणींमध्ये भर पडण्याची शक्यता आहे.

शिवसेनेचे मुखपत्र असलेल्या सामना वृत्तपत्रातील ३१ मार्चच्या रोखठोक या सदरात एक लेख होता, ज्यामध्ये ईव्हीएमवर संशय व्यक्त करण्यात आला होता. निवडणूक आयोगाने यावरच आक्षेप घेत ही नोटीस बजावली आहे. या नोटीशीत आचारसंहिता सुरू असताना वातावरण गढूळ करण्याचा प्रयत्न केल्याचा उल्लेख करण्यात आला आहे.

दरम्यान, संजय राऊत यांना याबाबत विचारले असता त्यांनी सामनामधील लिखाणाबाबत मला नोटीस मिळाली असून आम्ही निवडणूक आयोगाचा पूर्ण आदर करत असून दिलेल्या वेळेत निवडणूक आयोगाला उत्तर दिले जाईल, असे म्हटले आहे.