तेव्हा रात्री २ वाजता मोदी फोन करायचे – अमित शहा

टीम महाराष्ट्र देशा: गुजरात आणि हिमाचल प्रदेशमध्ये भाजपने यश मिळवत सत्ता मिळवली आहे. गुजरातमध्ये मागील २२ वर्षे सत्तेत असणाऱ्या भाजपला यंदाची निवडणूकीत चांगलीच मेहनत घ्यावी लागली आहे. राहुल गांधी यांच्या नेतृत्वात गुजरातमध्ये काँगेसने चांगला जोर धरल्याने त्याचे पडसाद निकालांवर देखील दिसून आले.

गुजरातमध्ये १५० जागा मिळवण्याचा विश्वास व्यक्त करणाऱ्या भाजपला ९९ जागांवर समाधान मानावे लागले आहे. मात्र हि सत्ता पुन्हा एकदा काबीज करण्यासाठी पंतप्रधान नरेंद्र मोदी यांनी मोठी मेहनत घेतली होती. पक्षाची रणनीती आणि प्रचारसभांबद्दल माहिती घेण्यासाठी नरेंद्र मोदी अर्ध्या रात्री भाजपाध्यक्ष अमित शहा यांना फोन करत असल्याची माहिती खुद्द शहा यांनीच दिली आहे.

गुजरातमधील प्रचार दरम्यान नरेंद्र मोदी हे कधी मध्यरात्री २ वाजता तर पुन्हा सकाळी ६ वाजता आपल्याला फोन करायचे, त्यामुळे ते झोपतात कि नाही असा प्रश्न पडत असल्याचही शहा यांनी सांगितले. बुधवारी पार पडलेल्या संसदीय समितीच्या बैठकीत अमित शहा यांनी हा खुलासा केला आहे.