fbpx

हवी तेवढी माणसे मारा,निवडून येणार आम्हीच दुबारा…, डोंगरी दुर्घटनेवरून सचिन सावतांचा टोला

टीम महाराष्ट्र देशा : मुंबईकरांना आज अजून एक धक्का बसला आहे. मुंबईच्या डोंगरी भागात कौसरबाग इमारत कोसळली आहे. दुर्घटनेत अनेकजण ढिगाऱ्याखाली अडकण्याची शक्यता वर्तवली जात आहे. तर या दुर्घटनेनंतर राजकीय आरोप प्रत्यारोपांना सुरवात झाली आहे. कॉंग्रेसचे प्रवक्ते सचिन सावंत यांनी भाजप सेनेला लक्ष करत टीका केली आहे. हवी तेवढी माणसे मारा,निवडून येणार आम्हीच दुबारा…, अशी कविता करत सावंतांनी सत्ताधाऱ्यांना खोचक टोला लगावला आहे.

“हवी तेवढी माणसे मारा
जनता बोंबले, चढवे पारा
शिवसेना-भाजपचा एकच नारा
निवडून येणार आम्हीच दुबारा…”, असे ट्विट सचिन सावंत यांनी केले आहे.

दिवसेंदिवस मुंबई ही धोकादायक होत आहे. त्यामुळे सामन्य नागरिक आपला जीव मुठीत घेऊन मुंबईत वावरत आहे. डोंगरीमध्ये झालेली दुर्घटना ही मुंबईकरांसाठी मोठा धक्का आहे. डोंगरीतील बाबा गल्लीत चार मजली इमारत होती. इमारतीचा अर्धा भाग कोसळला आहे. यात ४० ते ५० जन अडकल्याची शक्यता आहे. तर आतापर्यंत 5 जणांना आपला जीव गमवावा लागला आहे. हा आकडा अजूनही वाढण्याची शक्यता आहे. दरम्यान, घटनेची माहिती मिळताच अग्निशमन दल घटानास्थळी दाखल झाले असून बचाव कार्य सुरु आहे.