काँग्रेसला दणका;हेरॉल्ड हाऊस खाली करण्याचे दिल्ली हायकोर्टाचे आदेश

नवी दिल्ली : हेराल्ड हाऊस प्रकरणी काँग्रेसला मोठा धक्का बसला आहे. दिल्ली हायकोर्टाने काँग्रेसला 56 वर्ष जुने हेराल्ड हाऊस खाली करण्याचे आदेश दिले आहेत. शुक्रवारी दिल्ली हायकोर्टात नॅशनल हेराल्डचे प्रकाशक असोसिएट जर्नल्स लिमिटेडने(एजेएल) दाखल केलेल्या याचिकेवर सुनावणी झाली. यावेळी दिल्ली हायकोर्टाने ही याचिका फेटाळून लावत हेराल्ड हाऊस खाली करण्याचे आदेश दिले.

30 ऑक्टोबरला असोसिएट जर्नल्स लिमिटेड ने दिल्ली उच्च न्यायालयात धाव घेतली होती. हेरॉल्ड हाऊसला जमीन भाडेतत्वावर देण्यात आली असून त्याची मुदत संपल्याने १५ नोव्हेंबरपर्यंत ते खाली करण्याचे आदेश देण्यात आले होते. या आदेशाविरोधात काँग्रेसने याचिका दाखल केली होती. या याचिकेवर शुक्रवारी झालेल्या सुनावणीदरम्यान न्यायालयाने काँग्रेसला कोणताही दिलासा न देता हेरॉल्ड हाऊस खाली करण्याचे आदेश दिले आहेत.

काय आहे प्रकरण?

असोसिएटेड जर्नल्स लिमिटेड (एजेएल) या कंपनीतर्फे लखनौच्या कैसरबाग येथील हेराल्ड हाऊस नावाने ओळखल्या जाणाऱ्या मुख्यालयातून नॅशनल हेराल्ड हे इंग्रजी, नवजीवन हे हिंदी व कौमी आवाज हे उर्दू दैनिक प्रसिद्ध होत असे. माजी पंतप्रधान पंडित जवाहरलाल नेहरू, माजी संरक्षणमंत्री व्ही. के. कृष्ण मेनन अशा दिग्गजांचा तेथे कायम राबता होता. हेराल्डची दिल्ली आवृत्तीही सुरू होऊन राजधानीतही संस्थेला मोठ्या जागा सवलतीत मिळाल्या होत्या. त्या जागा हडपण्यासाठी सोनिया आणि राहुल यांनी यंग इंडिया लिमिटेड या कंपनीमार्फत घोटाळा केला, असा आरोप आहे.

You might also like
Comments
Loading...