गृह, नगरविकास आणि गृहनिर्माण खात्यांमुळेचं ठाकरे सरकारच्या खातेवाटपाचे घोंगडे भिजत पडले ?

टीम महाराष्ट्र देशा : राज्यात महाविकास आघाडीचे सरकार स्थापन होऊन १२ दिवस झाले तरी अजून मंत्रिमंडळ विस्तार झाला नाही. तर शपथ दिलेल्या कॅबिनेट मंत्र्यांनाही अजून खाते वाटप केले नाही. त्यामुळे या ठाकरे सरकारचे चालले तरी काय असा प्रश्न उपस्थित झाला आहे. मात्र आता सूत्रांनी दिलेल्या माहिती नुसार शिवसेना आणि राष्ट्रवादीमधील चर्चे अभावीचं खातेवाटपाचं घोंगड भिजत पडले आहे, असे दिसून येत आहे. याबाबतचे वृत्त एबीपी माझा या वृत्तवाहिनीने प्रसिद्ध केले आहे.

महत्त्वाच्या खात्यांवरुन खातेवाटप अडल्याचं म्हटलं जात आहे. महाविकास आघाडीत गृह, नगरविकास आणि गृहनिर्माण या तीन खात्यांवरुन अद्याप निर्णय झालेला नाही. त्यामुळे खातेवाटप रखडले आहे. येत्या १६ तारखे पासून नागपूर येथे हिवाळी अधिवेशनाला सुरवात होणार आहे. त्यामुळे या अधिवेशनापूर्वी मंत्रिमंडळ विस्तार होईल, असे सांगितले जात होते. मात्र महाविकास आघाडीच्या केवळ चर्चाचं सुरु असल्यने अधिवेशानापूर्वी मंत्रिमंडळ विस्तार होणार नसल्याचं दिसत आहे.

Loading...

दरम्यान रेंगाळलेल्या खातेवाटपावरून ज्येष्ठ समाजसेवक अण्णा हजारे यांनीही प्रश्न उपस्थित केला आहे. ते म्हणाले की, राज्यातील कारभार हा ढिला पडला आहे. सरकार स्थापन होऊनही खाते वाटप झाले नाही. नेमका उशीर कुठे होतोय. हे सामान्य माणसाला कळाले पाहिजे. सरकारने सामान्य नागरिकांना याबाबत माहिती दिली पाहिजे. मलाईदार खात्यांच्या वाटपात मतभेद होत असल्याने उशीर तर होत नाहीना ? असा सवाल अण्णा हजारे यांनी ठाकरे सरकारला विचारला आहे.

महत्वाच्या बातम्या 

 

Loading...
Loading...




Loading…




Top Posts

पंतप्रधान मोदी छत्रपती शिवाजी तर शहा तानाजींच्या रुपात; शिवसेनेच्या ढाण्या वाघाची पहिली प्रतिक्रिया
बाळासाहेब थोरातांचा स्वबळाचा नारा
कोणाशीही आणि कशीही युती करेन पण एकदा दिल्लीला जाणारच : महादेव जानकर
मुस्लिमांच्या आग्रहामुळे शिवसेनेसोबत सत्ता स्थापन केली?
'झारखंड निवडणुकीवेळी धोनीनं भाजपात प्रवेश न केल्याने BCCIने करारातून वगळले'
तर शिवसेनाही स्वबळावर लढायला तयार; सर्व ११५ जागा लढवणार
मंत्री अशोक चव्हाण यांचा खरा चेहरा उघड; रयत क्रांतीकडून टीका
कोकणातलं राजकारण पेटलं;नाईक - राणे भिडले
तुम्ही काय केलं ते आधी सांगा;शिवेसेनेचा देवेंद्र फडणवीसांना सवाल
मुंबईची माहिती नाही तेच 'नाईट लाईफ'ला विरोध करत आहेत - प्रकाश आंबेडकर