पालघर लोकसभा पोटनिवडणुकीसाठी काँगेसकडून दामू शिंगडा यांचा उमेदवारी अर्ज दाखल

मुंबई – भाजप खासदार चिंतामण वनगा यांच्या निधनामुळे रिक्त झालेल्या पालघर लोकसभा मतदार संघात होत असलेल्या पोटनिवडणुकीसाठी अर्ज भरण्याची आज अंतिम मुदत आहे, चिंतामण वनगा यांचे पुत्र श्रीनिवासन वनगा यांनी ही निवडणूक शिवसेनेकडून लढण्याचा निर्णय घेतल्याने पालघर पोटनिवडणुक चर्चेचा विषय ठरलीये.

पालघर लोकसभा पोटनिवडणुकीसाठी काँगेसकडून तब्बल पाच वेळा लोकसभा खासदार राहिलेल्या दामू शिंगडा यांनी आज उमेदवारी अर्ज दाखल केला. तर भाजपने कॉंग्रेसमधून आयात केलेल्या राजेंद्र गावित यांच्या नावाची घोषणा केलीये.

दरम्यान आज पोटनिवडणुकीसाठी अर्ज भरण्याचा शेवटचा दिवस असून काँगेसचे उमेदवार दामू शिंगडा यांनी आज आपला उमेदवारी अर्ज भरला आहे. तर भाजपमधून शिवसेनेत आलेले श्रीनिवास वनगा आणि बहुजन विकास आघाडीचे बळीराम जाधव यांनी यापूर्वीच आपला उमेदवारी अर्ज भरलाय.

पालघरमध्ये चौरंगी लढत पाहायला मिळणार आहे. भाजपचे राजेंद्र गावित, काँग्रेसचे दामू शिंगडा, शिवसेनेचे श्रीनिवास वनगा आणि बहुजन विकास आघाडीचे बळीराम जाधव यांच्यात ही लढाई होणार आहे. पण चौरंगी लढत होणार असली तरी भाजपचे राजेंद्र गावित आणि शिवसेनेचे श्रीनिवास वनगा यांच्यातील लढत ही चुरशीची आणी रंगतदार होणार आहे. विशेष म्हणजे या दोन्ही पक्षाचे उमेदवार हे ऐन निवडणुकीच्या तोंडावर आयात केलेले आहेत.

Gadgil