fbpx

कांचन कुल यांच्या फायद्यासाठीच पुण्याची पाणी कपात

टीम महाराष्ट्र देशा: पालकमंत्री गिरीश बापट यांच्या नियोजनशून्य कारभारामुळे पुणेकरांवर पाणी कपातीची वेळ आली आहे. लोकसभा निवडणुकीमध्ये बारामतीच्या भाजप उमेदवार कांचन कुल यांना फायदा होण्यासाठीच कालव्यातून पाणी सोडले गेले. शहरावर पाणी कपातीचे संकट असताना कालव्यातून पाणी सोडण्याचे पाप पालकमंत्री गिरीश बापट यांनी केले आहे, असा आरोप काँग्रेसकडून करण्यात आला आहे. पुण्यामध्ये आयोजित पत्रकार परिषदेत काँग्रेस शहराध्यक्ष रमेश बागवे, पुणे लोकसभेचे उमेदवार मोहन जोशी यांनी बापटांवर कडाडून टीका केली आहे.

पावसाळ्यात पुणे शहराला पाणी पुरवठा करणारी सर्व धरणे भरली होती, मात्र पाणी वाटपाचे नियोजन करण्यात आले नाही, त्यामुळे शहरात निर्माण झालेल्या पाणी टंचाईला गिरीश बापट हेच जबाबदार आहेत, दौंड, इंदापूरला पाणी सोडण्यासाठी बापट यांनी प्रशासनावर दबाव टाकल्याचा गंभीर आरोप मोहन जोशी यांनी केला.

पुणे शहराला मागील तीन वर्षापासून उन्हाळ्यात पाणी कपातीचा सामना करावा लागत आहे. पुण्याला पाणी पुरवठा करणाऱ्या धरणांत सध्या केवळ ६ टीएमसी पाणीसाठा शिल्लक आहे. उपलब्ध पाणी 15 जुलैपर्यंत पुरवावं लागणार आहे.यामध्येच देखभाल दुरुस्तीसाठी आज रोजी संपूर्ण शहरातील पुरवठा बंद ठेवण्यात येणार आहे. तर 3 मे रोजी कमी दाबाने पाणी पुरवठा केला जाणार आहे.