fbpx

सीबीआयच्या कामात राजकीय हस्तक्षेप नको, सरन्यायाधीश गोगोईंनी व्यक्त केली नाराजी

टीम महाराष्ट्र देशा: सत्तेवर असणारे सरकार विरोधकांना धमकावण्यासाठी सीबीआयचा वापर करत असल्याची तक्रार कायम केली जाते. मोदी सरकारवर देखील सीबीआयचा गैरवापर करत असल्याचा आरोप कॉंग्रेसकडून अनेकवेळा करण्यात आला आहे. दरम्यान, आता सीबीआयच्या कामात राजकीय हस्तक्षेप नको, अशी भावना सरन्यायाधीश रंजन गोगोई यांनी व्यक्त केली आहे. दिल्लीच्या विज्ञान भवनातील कार्यक्रमात ते बोलत होते.

राजकीय हस्तक्षेप झाला नाही तर सीबीआयला चांगले काम करता येते. राजकीय हस्तक्षेप झाल्यास सीबीआय चांगली कामगिरी दाखवू शकत नाही. त्यामुळे न्यायालयात देखील अशी प्रकरणे निकाली लागू शकत नाहीत, अशी खंत गोगोई यांनी यावेळी व्यक्त केली.

सीबीआयला कॅगप्रमाणे स्वायत्तता मिळायला हवी, अनेकवेळा सीबीआयच्या कामात कुठेतरी राजकीय दबाव असल्याचं दिसून येत. सीबीआयमध्ये राजकीय हस्तक्षेप होऊ नये यासाठी अनेकदा न्यायालयाकडून निर्देश देण्यात आलेत. सीबीआय विभागात १५ टक्के वरिष्ठ पदं, २८ टक्के तांत्रिक पदं आणि ५० टक्के कायदेशीर जागा रिकाम्या असल्यामुळे अधिकाऱ्यांवर कामाचा ताण असतो, असेही गोगोई म्हणाले आहेत.

महत्वाच्या बातम्या