४० वर्षात माझा अंदाज चुकला नाही ; सांगलीचा महापौर भाजपचाच – चंद्रकांत पाटील

सांगली : गेल्या ४० वर्षात माझा अंदाज शक्यतो कधीच चुकला नसून सांगलीचा सर्व्हे माझ्या हातात आहे, फक्त जोतिष शास्त्रावर सांगत नाही पण नक्की भाजपाचा महापौर होणार असल्याचा विश्वास राज्याचे महसूलमंत्री चंद्रकांत पाटील यांनी व्यक्त केलाय. सांगली, मिरज, कुपवाड शहर महानगरक्षेत्रात भाजपचं बूथ प्रमुख प्रशिक्षण शिबिर सांगलीत संपन्न झालं त्यावेळी कार्यकर्त्यांना संबोधित करताना चंद्रकांत पाटील यांनी हा विश्वास व्यक्त केलाय.

बूथ रचना झाली आहे, १५ दिवसात कार्यकर्त्यांनी २०० घरी जाऊन मतदारांशी संपर्क वाढवला पाहिजे. भेट घेऊन कार्यकर्त्यांनी त्यांना भेटवस्तू द्या, ” अस वादग्रस्त वक्तव्य सुद्धा चंद्रकांत पाटील यांनी या शिबिरात केलंय.

सांगली महानगरपालिका निवडणुकीचे पडघम आता वाजू लागले आहेत. सर्वच राजकीय पक्षाच्या नेत्यांनी कार्यकर्त्यांना आतापासूनच मैदानामध्ये उतरवलं आहे. भाजपनेही महापालिकेत सत्ता आणण्यासाठी कंबर कसली आहे