‘अब भारत बोलेगा’,पतंजलीने लॉन्च केलं Kimbho अॅप

मुंबई- रामदेव बाबा यांनी बुधवारी पतंजलीचं नवं मेसेजिंग अॅप लॉन्च केलं आहे. Kimbho (किंभो) असं या मेसेजिंग अॅपचं नाव आहे. पतंजलीचं हे अॅप व्हॉट्सअॅप मेसेजिंग अॅपला टक्कर देईल, असा पतंजली कंपनीला विश्वास आहे. Kimbho ची टॅगलाइन ‘अब भारत बोलेगा’ अशी ठेवण्यात आली आहे.

दरम्यान याआधी योगगुरु बाबा रामदेव यांनी ‘स्वदेशी समृद्धी सिम कार्ड’ या नावाचे सिम कार्ड लाँच केले आहे.भारत संचार निगम लिमीटेड (बीएसएनएल) आणि पतंजली यांनी संयुक्तपणे हे कार्ड लाँच केले आहे. मात्र सध्या हे कार्ड फक्त पतंजली कर्मचाऱ्यांसाठी असेल सामान्य नागरिकांना यासाठी थोडी वाट पहावी लागणार आहे.

पतंजली सिमचे फायदे
– फक्त 144 रुपयांचे रिचार्ज केल्यानंतर देशभरात अनलिमिटेड कॉलिंगची सुविधा आहे. त्यासोबतच 2GB डेटा आणि 100 एसएमएस सुविधाही देण्यात आली आहे.
– या सिमवरुन पतंजली उत्पादनांवर 10% सूट दिली जाणार आहे.
– एवढेच नाही तर या सिमच्या यूजरला 2.5 लाख रुपयांपर्यंतचे मेडिकल लाइफ इन्शुरन्स तसेच 5 लाख रुपयापर्यंतचे लाइफ इन्शुरन्स दिले जाणार आहे.

– विम्याची रक्कम फक्त रस्ता दुर्घटनेसाठी मिळणार आहे.