fbpx

Breaking News : पवारांच्या मनसुब्यांना सुरुंग, नगरच्या संग्रामात सुजयचा विजय

टीम महाराष्ट्र देशा : संपूर्ण देशाचे लक्ष लागलेल्या लोकसभा निवडणुकीचे निकाल जाहीर होत आहेत. राज्यातील गाजलेल्या लढतीपैकी एक असलेल्या नगर लोकसभा मतदारसंघात भाजपच्या सुजय विखेंनी विजय मिळवला आहे.

संपूर्ण राज्याचे लक्ष लागलेल्या अहमदनगर लोकसभा मतदारसंघातून भाजपच्या सुजय विखे यांनी राष्ट्रवादीच्या संग्राम जगताप यांचा दणदणीत पराभव केला आहे. सुजय विखे यांनी जवळपास २ लाख मत मिळवीत तर संग्राम जगताप यांना जमीनदोस्त केले आहे.

या मतदारसंघात सुजय विखेंच्या प्रचारार्थ पंतप्रधान नरेंद्र मोदी यांनी प्रचारसभा घेतली होती तर संग्राम जगताप यांच्यासाठी शरद पवार यांनी प्रचार केला होता त्यामुळे ही लढत अत्यंत प्रतिष्ठेची बनली होती. अखेर सुजय विखे यांनी यात बाजी मारली आहे.