गिरीश बापटांची मुक्ताफळं, रामदेव बाबा राष्ट्रीय पुरुष

मुंबई : विधानपरिषदेमध्ये आमदार संजय दत्त यांनी रामदेव बाबा यांची ‘पतंजली’ची उत्पादने विकण्याच्या शासन निर्णयाचा मुद्दा उपस्थित केला.पतंजलीचा मुद्दा मांडताना दत्त यांनी रामदेव बाबांवर टीका करायला सुरुवात केली. विधानपरिषदेत रामदेव बाबा यांच्यावर टीका केल्यामुळे गिरीश बापट यांचा तिळपापड झाला.

टीका सहन न झाल्यामुळे गिरीश बापट बोलायला उभे राहिले, ‘रामदेव बाबा यांनी योग प्रचाराचं मोठं कार्य केलं आहे.रामदेव बाबा यांना उद्योगासाठी मिळालेली जागा ही नियमाने देण्यात आली आहे. पुढे बोलतांना गिरीश बापट यांनी रामदेव बाबा हे ‘राष्ट्रीय पुरुष’ असल्याचं सांगितले.