fbpx

राजकीय अर्थ काढणं योग्य नाही; भालकेंची सारवासारव

पंढरपूर : आषाढी एकादशीनिमित्त विठूरायाचं दर्शन घेण्यासाठी पंढरपूरला गेलेल्या मुख्यमंत्री देवेंद्र फडणवीस यांनी राजकीय वारीही केली. आमदार प्रशांत परिचारक यांच्याकडे भोजन, कल्याणराव काळे यांच्याकडे चहा, तर काँग्रेस आमदार भारत भालके यांच्याकडे फडणवीसांनी फराळ करत राजकीय गणितं मांडली. यावेळेस गृहनिर्माण मंत्री राधाकृष्ण विखे, पालकमंत्री विजय कुमार देशमुख, खासदार रणजितसिंह निंबाळकर उपस्थित होते.

भालके गेली काही दिवस विखे यांच्या माध्यमातून मुख्यमंत्र्यांशी जवळीक साधत आहेत. विधानसभा निवडणुकीच्या आधी ते भाजपचा हात धरतील अशी शक्यता आहे. त्यामुळे काँग्रेसच्या अडचणीत वाढ होणार आहे, असे वृत्त न्यूज 18 लोकमतने दिले आहे.’मुख्यमंत्री पंढरपूरला आले होते त्यांना घरी बोलवलं होतं. ही सदिच्छा भेट होती, यात लगेच राजकीय अर्थ काढणं योग्य नाही,’ अशी सफाई भालके यांनी दिली आहे.