नऊ महिन्यात व्हा पुढारी तेही सर्टिफिकेटसह

संघ करणार पुढारी म्हणवून घेण्याची हौस पूर्ण

पुढारी म्हणून घेण्यासठी लोक काय वाट्टेल ते करतात .मात्र आता एक असा अभ्यासक्रम आला आहे की ज्यामुळे लोक काहीही म्हणू देत पण तुम्ही केवळ ९ महिन्यात पुढारी बनू शकता आणि तेही सर्टिफिकेटसह .
नेता म्हणवून घेण्यासाठी वेगवेगळे हातखंडे वापरले जातात कधीआंदोलन केली जातात तर कधी षड्यंत्र रचली जातात मात्र तरीही लोक नेता म्हणतील याची शाश्वती नसते .बऱ्याच लोकांच आयुष्य निघून जात पण पुढारी काही होता येत नाही. राष्ट्रीय स्वयंसेवक संघाशी संबधित रामभाऊ म्हाळगी या संस्थेने ९ महिन्यात पुढारी होण्यासाठी एक अभ्यासक्रम सुरू केला आहे. ‘इंडियन इन्सिट्यूट ऑफ डेमोक्रेटिक लीडरशीप’ असे या अभ्यासक्रमाचे नाव आहे.ज्यांना राजकारणात ‘करिअर’ करायचे आहे, त्यांच्यासाठी हा विशेष अभ्यासक्रम तयार करण्यात आला असून या अभ्यासक्रमाचे शूल्क हे ९ महिन्यांसाठी तब्बल अडीच लाख रूपये इतके आहे. मुंबई नजीक असलेल्या या संस्थेत हा अभ्यासक्रम शिकवला जाणार आहे. नुकताच या अभ्यासक्रमाचा शुभारंभ झाला. पदव्युत्तर पदवी स्तराच्या या अभ्यासक्रमासाठी प्रवेश घेणाऱ्यांना नेता होण्याबरोबरच राजकारण, प्रशासन आणि जनतेशी निगडीत प्रकरणांचे शिक्षण दिले जाणार आहे.त्यामुळेआता केवळ नऊ महिन्यात  नेता म्हणून घ्यायची हौस पूर्ण होणार हे निश्चित .