मुंबई : आयपीएल २०२२ (IPL 2022) जवळ आली आहे आणि भारतीय क्रिकेट नियामक मंडळाने (BCCI) पुढील हंगामासाठी (IPL 2023) तयारी सुरू केली आहे. २०२३-२०२७ हंगामांसाठी आयपीएलचे मीडिया अधिकार कोणाला मिळतील हे अद्याप ठरलेले नसल्याने, बीसीसीआयने लिलावात सहभागी होण्यासाठी आवश्यक कागदपत्रे (आयटीटी) खरेदी करणाऱ्या कंपन्यांना पुढील वर्षीपासून आयपीएलचे सामने रात्री आठपासून सुरू होणार असल्याचे सांगितले आहे.
क्रिकबझच्या बातमीनुसार, बीसीसीआयने असेही म्हटले आहे, हंगामात जास्त डबल हेडर सामने नसण्याचा प्रयत्न केला जाईल. दुपारचे सामने ४ तर रात्रीचे सामने ८ वाजता सुरू होतील. सध्या ही वेळ अनुक्रमे साडेतीन आणि साडेसात अशी आहे. दहा वर्षांच्या पहिल्या प्रसारण चक्रापर्यंत म्हणजेच २००८-२०१७ पर्यंत, आयपीएलचे सामने नेहमी ४ आणि ८ वाजता सुरू होत असत.
पाच वर्षांच्या पुढील दुसऱ्या चक्रासाठी (२०१८ ते २०२२), सामन्याची सुरुवातीची वेळ अर्धा तास आधी हलवण्यात आली. ब्रॉडकास्टर स्टार स्पोर्ट्सच्या विनंतीवरून असे केले गेले. आयपीएल २०१८ ते २०२२ पर्यंत मीडियाचे अधिकार स्टार स्पोर्ट्सकडे आहेत. स्टार स्पोर्ट्सने १६,३४७ कोटी रुपये देऊन हे मीडिया हक्क विकत घेतले.
#ICYMI: In a communique to the parties interested in bidding for the television & digital rights of #IPL for 2023-27 cycle, BCCI has said its preferred start times for double-headers is 4pm & 8pm IST@vijaymirror's report 👇https://t.co/ybdR1A8fui #CricketTwitter #IPL2022
— Cricbuzz (@cricbuzz) May 19, 2022
दरम्यान, बीसीसीआयने आयटीटी कागदपत्रे खरेदी करण्याची अंतिम तारीख १० दिवसांनी वाढवली आहे. विविध इच्छुक पक्षांच्या विनंत्या लक्षात घेऊन, बीसीसीआयने आता आयटीटी कागदपत्रांच्या खरेदीची तारीख २० मे २०२२ पर्यंत वाढवण्याचा निर्णय घेतला आहे.
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
