सांगलीत ॲक्सिस बँकेचे एटीएम फोडण्याचा प्रयत्न

bank robarry

सांगली शहरातील विश्रामबाग येथील हॉटेल पै प्रकाश पाठीमागील बाजूस असलेले ॲक्सिस बँकेचे एटीएम फोडण्याचा प्रयत्न अज्ञात चोरट्यांनी केला. मात्र सेन्सर वाजल्याने त्या चोरट्यांना हा प्रयत्न फसला. परिणामी तब्बल दहा लाख रूपयांची रोकड बचावली. एटीएम परिसरातील सीसी टिव्ही कॅमेऱ्यात चोरटे कैद झाले असून त्यांच्या शोधासाठी विश्रामबाग पोलिसांची पथके रवाना झाली आहेत. मिरज शहरातील एटीएम फोडण्याचा प्रयत्न करीत असताना रखवालदाराचा खून करण्यात आला होता. ही घटना ताजी असतानाच सांगली शहरातही अशाच पध्दतीने एटीएम फोडण्याचा प्रयत्न झाल्याने विश्रामबाग पोलिस खडबडून जागे झाले आहेत. विश्रामबाग येथील हॉटेल पै प्रकाश पाठीमागील बाजूस असलेले एटीएम यंत्र फोडण्यासाठी पहाटे तीन वाजण्याच्या सुमारास चोरटे आले होते. त्यांनी हे एटीएम यंत्र फोडण्याचाही प्रयत्न केला. मात्र अचानकपणे सेन्सर वाजल्याने पकडले जाऊ नये, या भीतीने या चोरट्यांनी पळ काढला. त्यामुळे या एटीएम यंत्रातील दहा लाख रूपये वाचले. ॲक्सिस बँकेच्या अत्याधुनिक सुरक्षा व्यवस्थेमुळेच सेन्सर वाजल्याची माहिती मुंबई येथील मुख्य शाखेत तात्काळ समजली. या शाखेतील कर्मचार्यांनीही वेळ न दवडता विश्रामबाग पोलिसांना याची माहिती दिली. विश्रामबाग पोलिसांनी धाव घेऊन तातडीने चोरट्यांचा शोध घेण्याचा प्रयत्न केला. मात्र चोरट्यांनी तत्पूर्वीच धूम ठोकली होती. एटीएममधील सीसी टिव्ही चित्रीकरण विश्रामबाग पोलिसांनी ताब्यात घेतले आहे. त्याची तपासणी केली असता चेहरे लपवलेले दोन चोरटे आढळले.

Loading...
Loading...




Loading…




Top Posts

कनिका कपूरच्या तब्ब्येतीबाबत डॉक्टरांनी केला वेगळाच दावा
सावधान ! कोरोनाचे नवे केंद्र झोपडपट्टीत, अनेकजण सापडले कोरोनाबाधित
...त्यामुळे भारताला कोरोनापासून अमेरिके इतका धोका नाही, या तज्ञ डॉक्टरांनी व्यक्त केले मत
‘या’ तारखेपासून रेल्वे तिकीट बुकिंगला होणार सुरुवात?
'नवे रुग्ण न आढळल्यास 'हे' राज्य '७ एप्रिल'पर्यंत कोरोनामुक्त होण्याची शक्यता'
महाराष्ट्रातील ‘या’ शहरात वाढला कोरोनाग्रस्तांचा झपाट्याने आकडा, सात महिन्यांच्या बाळाचाही समावेश
'धन्यवाद अजित पवार! शेवटी अनुभवाचं महत्व तुम्ही दाखवून दिलं; बाकीचे फेसबुक लाईव्हमध्ये व्यस्त'
आज सांयकाळी आणि उद्या सकाळी दुध मिळणार नाही कारण.....
#मरकज : मशीद खाली करण्यास मौलानांनी दिला नकार,  अजित डोवालांना उतरावं लागल मैदानात
काय फरक पडतो म्हणणाऱ्या राज ठाकरेंनाच बसला कोरोनाचा फटका